ବିପାଶା ହାୟାତ

ବିପାଶା ହାୟାତ (ଜନ୍ମ: ୨୩ ମାର୍ଚ୍ଚ ୧୯୭୧) ଜଣେ ବଙ୍ଗଳାଦେଶି ଅଭିନେତ୍ରୀ, ମଡେଲ ଏବଂ ଚିତ୍ରକର । ୧୯୯୪ରେ ସେ ବଙ୍ଗଳାଦେଶି ଚଳଚ୍ଚିତ୍ର ଅଙ୍ଗୁର ପରଶମଣି ପାଇଁ ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ । ୧୯୯୮, ୧୯୯୯ ଏବଂ ୨୦୦୨ରେ ସେ ମେରିଲ ପ୍ରଥମ ଆଲୋ ପୁରସ୍କାର ପାଇଥିଲେ ।

ବିପାଶା ହାୟାତ
বিপাশা হায়াত
ଜନ୍ମ	(1971-03-23) ୨୩ ମାର୍ଚ୍ଚ ୧୯୭୧
ଜାତୀୟତା	ବଙ୍ଗଳାଦେଶୀ
ଶିକ୍ଷା	MFA
ଶିକ୍ଷାନୁଷ୍ଠାନ	ଢାକା ବିଶ୍ୱ ବିଦ୍ୟାଳୟ
ବୃତ୍ତିସମୂହ	ଅଭିନେତ୍ରୀ କାହାଣୀ ଲେଖିକା ଚିତ୍ରକର
ବୈବାହିକ-ସାଥୀ	ତାଉକିର ଅହମଦ
ସନ୍ତାନ	ଅରିଶା ଅହମଦ ଅରୀବ ତାଉକିର ଅହମଦ
ପିତାମାତା	ଅବୁଲ ହାୟାତ (father)
ସମ୍ପର୍କୀୟ	ନତାଶା ହାୟାତ (ଭଉଣୀ)
ପୁରସ୍କାର	ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ମେରିଲ ପ୍ରଥମ ଆଲୋ ପୁରସ୍କାର

ପ୍ରାରମ୍ଭିକ ଜୀବନ ଏବଂ ଶିକ୍ଷା

ବିପାଶା ୨୩ ମାର୍ଚ୍ଚ ୧୯୭୧ରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଅବୁଲ ହାୟାତ ଜଣେ ବଙ୍ଗଳାଦେଶୀ ଅଭିନେତା । ତାଙ୍କ ଭଉଣୀ ନତାଶା ହାୟତ ଏବଂ ଭିଣେଇ ଶମିମ ଶାହେଦ ଖାନ ଉଭୟ ଅଭିନୟ ଜଗତରେ ସେମାନଙ୍କର ପେଷାରେ ଅଛନ୍ତି । ସେ ୧୯୯୮ରେ ଢାକା ବିଶ୍ୱ ବିଦ୍ୟାଳୟରୁ ଚିତ୍ରକଳାରେ ସ୍ନାତକୋତ୍ତର ଶେଷ କରିଥିଲେ ।

ଅଭିନୟ ଜୀବନ

ବିପାଶା ହାୟାତ ଜଣେ ଦୂରଦର୍ଶନର ଧାରାବାହିକ ଅଭିନେତ୍ରୀ ଭାବରେ ଅଭିନୟ ଜଗତରେ ପ୍ରବେଶ କରିଥିଲେ । ସେ ୯୦ ଦଶକରେ ଅନେକ ଲୋକପ୍ରିୟ ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ । ୧୯୯୭ ମସିହାରେ ସେ ତାଙ୍କର ପ୍ରଥମ କାହାଣୀ ଲେଖିଥିଲେ । ଏହି କାହାଣୀକୁ ନେଇ ଦୂରଦର୍ଶନ ଧାରାବାହିକ ଶୁଧୁଇ ତୁମାକେ ଜାନି ନିର୍ମାଣ କରାଯାଇଥିଲା ।

ସେ ଦୁଇଟି ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ । ୧୯୯୪ରେ ତାଙ୍କର ପ୍ରଥମ ଚଳଚ୍ଚିତ୍ରରେ ଅଭିନୟ କରିଥିଲେ । ସେ ଅଭିନୟ କରିଥିବା ଦୁଇଟି ଯାକ ଚଳଚ୍ଚିତ୍ର ବଙ୍ଗଳାଦେଶ ସ୍ୱାଧୀନ ଯୁଦ୍ଧ ଉପରେ ଆଧାରିତ । ତାଙ୍କର ପ୍ରଥମ ଚଳଚ୍ଚିତ୍ର ଥିଲା ଅଙ୍ଗୁର ପରଶମଣି । ଏହି ଚଳଚ୍ଚିତ୍ରଟିରେ ସେ ରାତ୍ରି ନାମକ ଏକ ଝିଅର ଭୂମିକାରେ ଅଭିନୟ କରିଥିଲେ । ସେ ବଙ୍ଗଳାଦେଶ ଯୁଦ୍ଧ ସମୟରେ ଢାକା ସ‌ହରରେ ତାଙ୍କ ପରିବାର ସ‌‌ହ ଗୋଟିଏ ଘରେ ବନ୍ଦ ହୋଇ ରହିଥିଲେ ଏବଂ ତାଙ୍କ ଘରେ ରହୁଥିବା ଜଣେ ଯୋଦ୍ଧା ସ‌ହ ତାଙ୍କର ପ୍ରେମ ହୋଇଯାଇଥିଲା । ସେ ଯୋଦ୍ଧାର ଭୂମିକାରେ ଅଭିନେତା ଅସଦଜମନ ନୁର୍ ଅଭିନୟ କରିଥିଲେ । ସେ ଯୋଦ୍ଧା ପ୍ରତି ତାଙ୍କର ଆନ୍ତରିକତା ଏବଂ ଭଲ ପାଇବା ବଙ୍ଗଳାଦେଶ ଯୁଦ୍ଧ ପ୍ରତି ତାଙ୍କ ମନରେ ଅନୁରାଗ ସୃଷ୍ଟି ହୋଇଥିଲା ଏବଂ ସେ ସେହି ଯୁଦ୍ଧ ପିଡ଼ୀତ ସାଧାରଣ ଜନତାଙ୍କୁ ସାହାଯ୍ୟ କରିଥିଲେ । ଏହି ଚଳଚ୍ଚିତ୍ର ପାଇଁ ତାଙ୍କୁ ୧୯୯୪ରେ ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ମିଳିଥିଲା । ସେ ସେହି ବର୍ଷର ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ ।

୨୦୦୪ରେ ସେ ଅନ୍ୟ ଏକ ଚଳଚ୍ଚିତ୍ରରେ ଅଭିନୟ କରିଥିଲେ । ଜୟଯାତ୍ର ନାମକ ଏହି ଚଳଚ୍ଚିତ୍ରଟିରେ ସେ ଜଣେ ମଧ୍ୟ ବୟସ୍କ ମହିଳା ଭୂମିକାରେଅ ଅଭିନୟ କରିଥିଲେ । ବଙ୍ଗଳାଦେଶ ସ୍ୱାଧୀନ ଯୁଦ୍ଧ ସମୟରେ ତା'ର ପୁଅକୁ ହରାଇଥିବା ମାଆର କାହାଣୀ ଉପରେ ନିର୍ମିତ ଥିଲା ଏହି କଥାଚିତ୍ରଟି ।

ନିଜସ୍ୱ ଜୀବନ

ବିପାଶା ତାଉକିର ଅହମଦ ନାମକ ଜଣେ ଅଭିନେତା ଏବଂ ଚଳଚ୍ଚିତ୍ର ନିର୍ଦ୍ଦେଶକଙ୍କୁ ବିବାହ କରିଥିଲେ । ତାଙ୍କର ଗୋଟିଏ ପୁଅ ଏବଂ ଗୋଟିଏ ଝିଅ ଅଛନ୍ତି ।

ଚିତ୍ରକଳା

ବିପାଶାଙ୍କର ଚିତ୍ରକଳା ୧୯୯୬ରେ ଢାକାରେ ଏକ ପ୍ରଦର୍ଶନୀରେ ସ୍ଥାନୀତ ହୋଇଥିଲା । ତାଙ୍କର ଚିତ୍ରକଳା ଢାକାର ମିନିଏଚର ଚିତ୍ରକଳା ପ୍ରଦର୍ଶନୀରେ ସ୍ଥାନ ପାଇଥିଲା । ୧୯୯୮ରେ ସେ ଏକ ସାମୁହିକ ଚିତ୍ରକଳା ପ୍ରଦର୍ଶନୀରେ ଭାଗନେଇଥିଲେ । ଏହି ଚିତ୍ରକଳା ପ୍ରଦର୍ଶନୀ ପାନ ପେସିଫିଚ ସୋନେରଗାଁ ହୋଟେଲରେ ପ୍ରଦର୍ଶନୀ ଗୃହରେ ଅନୁଷ୍ଠିତ ହୋଇଥିଲା । ଏହାପରେ ୨୦୦୨ରେ ସେ ଯୁବ କଳାକାରଙ୍କର ପ୍ରଦର୍ଶନୀରେ ଭାଗନେଇଥିଲେ ।

୧୪-୨୪ ଜାନୁଆରୀ ୨୦୧୭ ମଧ୍ୟରେ ରୋମରେ ଏକ ଚିତ୍ରକଳା ପ୍ରଦର୍ଶନୀରେ ବିପାଶାଙ୍କର କେବଳ ନିଜର ଚିତ୍ରକଳା ପ୍ରଦର୍ଶିତ ହୋଇଥିଲା । ଏହି ପ୍ରଦର୍ଶନୀ ତାଙ୍କର ୬ଷ୍ଠ ପ୍ରଦର୍ଶନୀ ଥିଲା । ଏହି ପ୍ରଦର୍ଶନୀରେ ତାଙ୍କର ୫୦ଟି ଚିତ୍ରକଳା ସ୍ଥାନିତ ହୋଇଥିଲା ।

ଅଭିନୟ

ଧାରାବାହିକ

• ରୂପନ‌ଗର
• ହରଜିତ
• ସୁଧୁଇ ତୁମାକେ ଜାନି
• ବେଲି
• ପ୍ରତ୍ୟାଶା
• ଏକଜନ ଅପରାଧିନି
• ଡୋଲା
• ହସୁଇଲ
• ଓନ୍ତ୍ରୋମୋମୋ
• ମୋକ୍ଷ ଜୀବନ
• ସୋନାଲି ଦାନାର ଚିଲ
• କବିତା ସୁନ୍ଦର ନା

ଚଳଚ୍ଚିତ୍ର

• ଅଙ୍ଗୁର ପରଶମଣି (୧୯୯୪)
• ଜୟଯାତ୍ରା (୨୦୦୪)