ଫିରଦୌସ

ଫିରଦୌସ ଓଡ଼ିଶାର ଜଣେ ପ୍ରଖର ସ୍ମରଣଶକ୍ତିଧାରୀ ଶିଶୁ ପ୍ରତିଭା ଅଟନ୍ତି । ସେ ୨୦୧୭ ମାର୍ଚ୍ଚ ୧୫ରେ ଓଡ଼ିଶାର କେନ୍ଦ୍ରାପଡ଼ାଠାରେ ଆୟୋଜିତ ଏକ ଜିଲ୍ଲାସ୍ତରୀୟ ଭାଗବତ ଗୀତା ଆବୃତ୍ତି ପ୍ରତିଯୋଗିତାରେ ପ୍ରଥମ ହୋଇଥିଲେ ।

ବାଲ୍ୟ ଜୀବନ, ଶିକ୍ଷା ଓ ପ୍ରତିଭା ପରିଚୟ

କେନ୍ଦ୍ରାପଡ଼ାର ଗୋଟିଏ ମୁସଲିମ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଶେଖ ନୁରୁଦ୍ଦିନ ଦୁବାଇରେ ମିସ୍ତ୍ରୀକାମ କରୁଛନ୍ତି । ମା’ଙ୍କ ନାମ ଅରିଫା ବିବି । ଫିରଦୌସଙ୍କ ଘର କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡା ବ୍ଲକ ଅନ୍ତର୍ଗତ ଦାମରପୁର ଗାଁରେ । ତାଙ୍କ ବଡ଼ ଭାଇ ଶେଖ ସଲିମଉଦ୍ଦିନଙ୍କ ସହ ଶୋଭନୀୟ ଆବାସିକ ବିଦ୍ୟାଳୟରେ ପଢୁଛନ୍ତି ।

୨୦୧୭ ମାର୍ଚ୍ଚ ୧୫ରେ ପ୍ରଜ୍ଞା ମିଶନଦ୍ୱାରା ଆୟୋଜିତ କେନ୍ଦ୍ରାପଡ଼ାଠାରେ ଏକ ଜିଲ୍ଲାସ୍ତରୀୟ ୬ରୁ ୧୪ ବର୍ଷର ସବଜୁନିୟର ଗୀତା ଆବୃତ୍ତି ପ୍ରତିଯୋଗିତାରେ ଯୋଗଦେଇ ବୟସରେ ବଡ଼ ପ୍ରତିଯୋଗୀମାନଙ୍କୁ ପଛରେ ପକାଇ ୫୬ ଜଣଙ୍କ ମଧ୍ୟରୁ ଫିରଦୌସ ପ୍ରଥମ ହୋଇଥିଲେ । ତାଙ୍କର ସହପାଠୀମାନେ ଅକ୍ଷର ପଢ଼ିବା ଶିଖୁ ଥିବା ବେଳେ ସେ ହିନ୍ଦୁଙ୍କ ଧାର୍ମିକ ଗ୍ରନ୍ଥ ଆବୃତ୍ତି କରିବା ଓ ପୁଣି ପ୍ରଥମ ହେବା ସେଠାରେ ଉପସ୍ଥିତ ବିଚାରପତି ଓ ଶ୍ରୋତାଙ୍କୁ ଆଶ୍ଚର୍ଯ୍ୟ କରିଦେଇଥିଲା । ସେ ଗୀତା ଆବୃତ୍ତି କଲା ବେଳେ ଆଦୌ ଅଟକି ନଥିଲେ । ତାଙ୍କ ଉଚ୍ଚାରଣ ସଂପୂର୍ଣ୍ଣ ସ୍ପଷ୍ଟ ଓ ତ୍ରୁଟିହୀନ ଥିଲା । ସେ ୧୦୦ରୁ ୯୦ ମାର୍କ ପାଇଥିଲେ ।