ପ୍ରିୟଙ୍କା ବସ୍ସି

ପ୍ରିୟଙ୍କା ବସ୍ସି ଜଣେ ଭାରତୀୟ ଅଭିନେତ୍ରୀ, ଯିଏକି ମୁଖ୍ୟତଃ ହିନ୍ଦୀ ଦୂରଦର୍ଶନ ଧାରାବାହିକରେ କାମ କରନ୍ତି । ଲୋକପ୍ରିୟ ହିନ୍ଦୀ ଧାରାବାହିକ ଲେଫ୍ଟ ରାଇଟ୍ ଲେଫ୍‌ରେ କ୍ୟାଡେଟ୍ ନୈନା ସିଂହ ଆଲୁୱାଲିଆ ଭୂମିକା ପାଇଁ ସେ ଜଣାଶୁଣା । ସେ ବେରୀ ଜନ୍‌ଙ୍କ ଥିଏଟର୍ ଗ୍ରୁପ୍‌ରୁ ଅଭିନୟ ଯାତ୍ର ଆରମ୍ଭ କରିଥିଲେ ।

ପ୍ରିୟଙ୍କା ବସ୍ସି
ଜନ୍ମ	ଦିଲ୍ଲୀ, ଭାରତ
ଜାତୀୟତା	ଭାରତୀୟ
ବୃତ୍ତି(ସମୂହ)	ଅଭିନେତ୍ରୀ, ମଡେଲ୍
ସକ୍ରିୟ ବର୍ଷ	୨୦୦୫–ଏବେଯାଏଁ

ଅଭିନୟ ଜୀବନ

ପ୍ରିୟଙ୍କା ୨୦୦୫ ମସିହାରେ, ଭାରତର ଦ୍ୱିତୀୟ ଇଂରାଜୀ-ଭାଷୀ ଅପେରା ବମ୍ବେ ଟକିଂ ଜରିଆରେ ଅଭିନୟ ଆରମ୍ଭ କରିଥିଲେ । ସେ ଶୀନା ମଲ୍ଲିକ ଭୂମିକାରେ ଏଥିରେ ଅଭିନୟ କରିଥିଲେ । ତାଙ୍କ ଅଭିନୟ ପ୍ରସଂଶିତ ହେବା ସହିତ ୨୦୦୬ ମସିହାରେ, ତାଙ୍କୁ ଇଣ୍ଡିଆନ୍ ଟେଲୀ ଆୱାର୍ଡ଼ସ୍ ପାଇଁ ମନୋନୀତ କରାଯାଇଥିଲା ।

୨୦୦୬ ମସିହାରେ, ସେ ଲେଫ୍ଟ ରାଇଟ୍ ଲେଫ୍‌ରେ ନୈନା ସିଂହ ଆଲୁୱାଲିଆ ଭୂମିକାରେ ଅଭିନୟ କରିଥିଲେ । ଏହି ଚରିତ୍ର ପାଇଁ ତାଙ୍କୁ ଆଇଟିଏରେ ଶ୍ରେଷ୍ଠ ଅଭିନେତ୍ରୀ ଭାବରେ ମନୋନୀତ କରାଯାଇଥିଲା ଓ ୨୦୦୭ ମସିହାରେ, ସେ ଆଇଡିଆ ଗ୍ଲାମର୍ ଷ୍ଟାର୍ ଅଫ୍ ଦି ଇଅର୍ ପୁରସ୍କାର ପାଇଥିଲେ । ୨୦୦୮ ମସିହାରେ, ସେ ସୋନୀ ଟିଭିରେ ପ୍ରସାରିତ ରିଆଲିଟି ଶୋ' ମିଷ୍ଟର୍ ଆଣ୍ଡ୍ ମିସେସ୍ ଟିଭିରେ ଅଂଶଗ୍ରହଣ କରିଥିଲେ । ଡିସେମ୍ବର ୨୦୧୦ରେ, ସେ ଷ୍ଟାର୍ ୱାନ୍‌ରେ ପ୍ରସାରିତ ହୋଇଥିବା ରଙ୍ଗ୍ ବଦଲ୍‌ତି ଓଢ଼ନୀରେ କାମ କରିଥିଲେ ।

ଅପ୍ରେଲ ୨୦୧୧ରେ, ସେ ସୋନୀ ଏଣ୍ଟରଟେନ୍‌ମେଣ୍ଟ ଟେଲିଭିଜନ୍‌ରେ ପ୍ରସାରିତ ସୂର୍ଯ୍ୟ ଦି ସୁପର୍ କପ୍‌ରେ କାୟା ସେହଗଲ୍ ଭୂମିକାରେ କାମ କରିଥିଲେ । ୨୦୧୨ ମସିହାରେ, ଷ୍ଟାର୍ ପ୍ଲସ୍‌ରେ ପ୍ରସାରିତ କାର୍ଯ୍ୟକ୍ରମ ସର୍ଭାଇବର୍‌ରେ ସେ କାମ କରିଥିଲେ । ସେ ପଞ୍ଚମ ଏପିସୋଡ଼୍‌ରେ ବାହାରିଯାଇଥିଲେ । ସେହିବର୍ଷ ସେ, ଜୀ ଟିଭିରେ ପ୍ରସାରିତ ଫିଅର୍ ଫାଇଲ୍ସରେ କାମ କରିଥିଲେ ।

୨୦୧୩ ମସିହାରେ, ସେ ଜୀଶାନ କାଦ୍ରିଙ୍କ ସହ ମିଶି ଏକ ଫିଲ୍ମ ଓ ଟେଲିଭିଜନ୍ ପ୍ରଡ଼କ୍ସନ ଆରମ୍ଭ କରିଥିଲେ । ୨୦୧୫ ମସିହାରେ, ତାଙ୍କ ପ୍ରଯୋଜନାରେ ପ୍ରଥମ କଥାଚିତ୍ର ମୀରୁଥିୟା ଗ୍ୟାଙ୍ଗଷ୍ଟାର୍ ନିର୍ମିତ ହୋଇଥିଲେ । ୨୦୧୯ ମସିହାରେ, ଜୀ୫ରେ ଷ୍ଟ୍ରିମିଂ ପାଇଁ ୱେବ୍ ସିରିଜ୍ ଭୂତ ପୂର୍ବ ନିର୍ମାଣ କରିଥିଲେ ।

ରିଆଲିଟି ଶୋ'

• ୨୦୧୨: ସୂର୍‌ବୀର୍ ଇଣ୍ଡିଆ (ପ୍ରତିଯୋଗୀ)

ମଡେଲିଂ

ଅଭିନୟ ବ୍ୟତୀତ ସେ ଜଣେ ମଡେଲ୍ ଭାବରେ ସନ୍ତୁର୍ ଓ ବିଏସ୍ଏଲ୍ ସୁଇଟିଂ ଭଳି କିଛି ବ୍ରାଣ୍ଡ୍ ପାଇଁ ବିଜ୍ଞାପନରେ କାମ କରିଛନ୍ତି । ସେ କିଛି ମ୍ୟୁଜିକ୍ ଭିଡିଓରେ ମଧ୍ୟ କାମ କରିଛନ୍ତି ।

ପୁରସ୍କାର ଓ ସମ୍ମାନ

ବର୍ଷ	ପୁରସ୍କାର	ବର୍ଗ	ସିରିଜ୍	ଫଳାଫଳ
୨୦୧୫	ଇଣ୍ଡିଆନ୍ ଟେଲି ଆୱାର୍ଡ଼ସ୍	ଫ୍ରସ୍ ନ୍ୟୁ ଫେସ୍ (ଫିମେଲ୍)	ବମ୍ବେ ଟକିଂ	ମନୋନୀତ

ବାହାର ଲିଙ୍କ୍

• ଇଣ୍ଟରନେଟ ମୁଭି ଡାଟାବେସରେ ପ୍ରିୟଙ୍କା ବସ୍ସି