ପୋମେରାନିଆନ (କୁକୁର)
ପୋମେରାନିଆନ ବା ପୋମ (ଇଂରାଜୀ ଭାଷାରେ The Pomeranian or Pom) ଏକ ସ୍ପିଜ (Spitz) କିସମର କୁକୁର ଯାହାର ନାମକରଣ ମଧ୍ୟ ୟୁରୋପର ପୋମେରାନିଆ ସ୍ଥାନ ଅନୁସାରେ କରାଯାଇଛି; ସେହି ସ୍ଥାନ ଉତ୍ତର ପଶ୍ଚିମ ପୋଲାଣ୍ଡ ଓ ଉତ୍ତର ପୂର୍ବ ଜର୍ମାନୀରେ ଅବସ୍ଥିତ । ଏହାର ଛୋଟ ଆକାର ହେତୁ ଖେଳନା କୁକୁର ପ୍ରଜାତି ଭାବରେ ଶ୍ରେଣୀଭୁକ୍ତ, ଯେହେତୁ ଏହା ବଡ଼ ଆକାରର ସ୍ପିଜର ବଂଶଧର ଓ ବିଶେଷତଃ ଜର୍ମାନ ସ୍ପିଜ (German Spitz) । ଫେଡେରେସନ ସାଇନୋଲୋଜିକ ଇଣ୍ଟରନ୍ୟାସନାଲ ଏହା ନିଶ୍ଚିତ କରିଛି ଯେ ଏହା ଜର୍ମାନ ସ୍ପିଜର ଅଂଶ ଓ ଅନେକ ଦେଶମାନଙ୍କରେ ଏହାକୁ ବାମନ ସ୍ପିଜ (Zwergspitz ("Dwarf-Spitz") ନାମରେ ଡାକନ୍ତି ।
| ପୋମେରାନିଆନ | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||
| Other names | Deutscher Spitz; Zwergspitz; Dwarf-Spitz | |||||||||||||||||||||||||
| Common nicknames | Pom-Dog, Pom-Pom, Pom, Zwers, Tumbleweed | |||||||||||||||||||||||||
| Origin | Pomerania | |||||||||||||||||||||||||
| ||||||||||||||||||||||||||
| ||||||||||||||||||||||||||
| Domestic dog (Canis lupus familiaris) | ||||||||||||||||||||||||||
ଏହି ପ୍ରଜାତି ଅଷ୍ଟାଦଶ ଶତାବ୍ଦୀରୁ ଅନେକ ରାଜାରାଜୁଡ଼ା ପରିବାରଦ୍ୱାରା ଲୋକପ୍ରିୟ ହୋଇପାରିଛି । ରାଣୀ ଭିକ୍ଟୋରିଆ ଏହିଭଳି ଗୋଟିଏ ଛୋଟ ପୋମେରିଆନ ରଖିବା ପରେ ଏହି ଛୋଟ କୁକୁର ସାରା ପୃଥିବୀରେ ଜନପ୍ରିୟ ହୋଇଗଲା । କେବଳ ରାଣୀ ଭିକ୍ଟୋରିଆଙ୍କ ଜୀବଦ୍ଦସାରେ, ପ୍ରଜାତିର ଆକାର ଅଧା ହୋଇଯାଇଥିଲା । ମୋଟାମୋଟି ପୋମେରାନିଆନ ଏକ ସୁସ୍ଥ ତଗଡ଼ା କିସମର କୁକୁର । ଏହାର ସ୍ୱାସ୍ତ୍ୟ ସମସ୍ୟାରେ ଢିଲା ପାଟେଲା (luxating patella) ଓ ଶ୍ୱାସନଳୀ ସଂକୋଚନ (tracheal collapse) ହୋଇପାରେ । କ୍ୱଚିତ୍ ଆଲୋପେସିଆ ଏକ୍ସ ଦେଖାଯାଏ ଯାହା ଏକ ଚର୍ମ ରୋଗ ଓ କଥାଛଳରେ ଏହାକୁ 'କଳା ଚର୍ମ ରୋଗ' କହନ୍ତି । ଏହି ଜେନେଟିକ ରୋଗ ହେବା ଫଳରେ କୁକୁର ଦେହର ରଙ୍ଗ କଳା ହୋଇଯାଏ ଓ ସମସ୍ତ ବା ଅଧିକାଂଶ ରୁମ ଝଡ଼ିଯାଏ [୨] ସନ ୨୦୧୩ର ପରିସଂଖ୍ୟାନ ଅନୁସାରେ ଯୁକ୍ତରାଷ୍ଟ୍ର ଆମେରିକାରେ ଏହା ପଚାଶ ଲୋକପ୍ରିୟ କୁକୁରଙ୍କ ମଧ୍ୟରେ ସ୍ଥାନିତ ହୋଇଛି । ସନ ୧୯୯୮ ପରଠାରୁ ଏହି ଅଭିଜାତର କୁକୁର ରଖିବା ଏକ ଫେସନ ହୋଇ ପୃଥିବୀରେ ଲୋକପ୍ରିୟ ହୋଇଛି ।
ରୂପରଙ୍ଗ
ସମ୍ପାଦନାପୋମେରାନ ଏକ ଛୋଟ କୁକୁର, ଓଜନ ୧.୩୬ - ୩.୧୭ କେଜି ଓ କାନ୍ଧ ଉଚ୍ଚତା ୬ - 7 ଇଞ୍ଚ/ ୧୫-୧୮ସେ:ମି: । [୩] ସେମାନେ ସୁଗଠିତ କିନ୍ତୁ ତଗଡ଼ା କୁକୁର ଓ ତାଙ୍କର ଉତ୍ତମ କୋଟ, ରୁମରୁମିଆ ଉଚ୍ଚତା ବିଶିଷ୍ଟ ଲାଞ୍ଜ ଥାଏ । [୪] ଉପର କୋଟରେ (top coat) ଅଧିକ ରୁମ ଥାଏ ଓ ପଛପାଖ ରୁମ ପରଭଳି ଯାହାକୁ ଫିଦରି ହେୟାର କୁହାଯାଏ । [୫]
ଏହି ଧରଣର କୁକୁର ବହୁତ ଆଗରୁ ଦେଖିବାକୁ ଧଳା ଥିଲେ ବା ବେଳେ ବେଳେ ମାଟିଆ ବା କଳା ଥିଲେ । ରାଣୀ ଭିକ୍ଟୋରିଆ Queen Victoria ସନ ୧୮୮୮ରେ ଗୋଟିଏ ଛୋଟ ଲାଲ ରଙ୍ଗର ପୋମେରିଆନ ପୋଷିଥିଲେ ଓ ଊନବିଂଶ ଶତାବ୍ଦୀରରେ ସେହି ରଙ୍ଗ ଫେସନ ହୋଇଗଲା । [୬] ଆଧୁନିକ ସମୟରେ ଅନେକ ଧରଣର ପୋମେରିଆନ ଦେଖିବାକୁ ମିଳୁଛନ୍ତି ଯେପରିକି ଧଳା, କଳା, ମାଟିଆ, ଲାଲ, କମଳା ରଙ୍ଗ, କ୍ରିମ, ନୀଳ, ସ୍ୟାହି ରଙ୍ଗ ଓ ବିଭିନ୍ନ ରଙ୍ଗର ସମିଶ୍ରଣ । [୭] ସବୁଠାରୁ ଅଧିକ ଧଳା, କଳା ଓ କ୍ରିମ/ଧଳା ରଙ୍ଗର ପୋମେରିଆନ ଦେଖାଯାଆନ୍ତି । [୪]
ପୋମେରିଆନଙ୍କର ଦୁଇ ମୋଟା କୋଟ ଥାଏ । ଏହାର ପାଳନ କଷ୍ଟସାଧ୍ୟ ନୁହେଁ ଓ ଏହାକୁ ପାଳୁଥିବା ଲୋକ ସବୁଦିନ ଏହାକୁ ସଫା କରିବାକୁ ସୁପାରିସ କରନ୍ତି ଓ ଏହା କଲେ କୋଟର ଗୁଣବତ୍ତା କାଏମ ରହେ । ଏହାର ଲୋମ ୧-୨ ମାସରେ ଥରେ କାଟିବାକୁ ହୁଏ । ଏହାର ବାହ୍ୟ କୋଟ ଲମ୍ବା, ସିଧା ଓ କଠୋର; ଭିତର କୋଟ ନରମ, ମୋଟା ଓ ଛୋଟ । ବର୍ଷରେ ଦୁଇ ଥର ଭିତର କୋଟ ଝଡ଼ିଯାଏ ଓ କୋଟଗୁଡ଼ିକରେ ଗଣ୍ଠି ପଡ଼ିଯାଏ । [୮]
-
କ୍ରିମ ରଙ୍ଗର ପୋମେରାନିଆନ -
କମଳା ରଙ୍ଗର ପୋମେରାନିଆନ -
ତିନି ରଙ୍ଗର ପୋମେରାନିଆନ -
ଅଢ଼େଇ ବର୍ଷ ବୟସର ଧଳା ପୋମେରାନିଆନ
ଆଧାର
ସମ୍ପାଦନା- ↑ ୧.୦ ୧.୧ ୧.୨ "Pomeranian". dogtime.com. Retrieved 21 January 2020.
- ↑ "BSD (Black Skin Disease) Alopecia X, Coat Funk". Pommania Pomeranians. Retrieved 30 November 2009.[permanent dead link]
- ↑ Cunliffe, Juliette (1999). The Encyclopedia of Dog Breeds. Parragon. p. 262. ISBN 978-0-7525-8018-0.
- ↑ ୪.୦ ୪.୧ Hale, Rachael (2008). Dogs: 101 Adorable Breeds. Andrews McMeel. p. 197. ISBN 978-0-7407-7342-6.
- ↑ "Pomeranian History". Premier Pomeranians. Archived from the original on 15 July 2011. Retrieved 4 December 2009.
- ↑ "What is a Pomeranian". Web Answers. Archived from the original on 28 July 2011. Retrieved 2 February 2010.
- ↑ Coile, D. Caroline (2007). Pomeranians for Dummies. For Dummies. p. 29. ISBN 978-0-470-10602-0.
- ↑ Dane Stanton (2009). "Tips on Pomeranian Grooming". Pomeranian Dogs. Archived from the original on 16 March 2010. Retrieved 2 February 2010.