ପୀପଲ ବାବା

ପୀପଲ ବାବା ବା ସ୍ୱାମୀ ପ୍ରେମ ପରିବର୍ତ୍ତନ ଜଣେ ଭାରତୀୟ ପରିବେଶବିତ୍ । ସେ ତାଙ୍କ ଟିମ୍ ସହ ଭାରତର ୧୮ଟି ରାଜ୍ୟର ୨୦୨ଟି ଜିଲ୍ଲାରେ ୨୦ ନିୟୁତରୁ ଅଧିକ ବୃକ୍ଷରୋପଣ କରିଛନ୍ତି । ସେ 'ଗିଭ୍ ମି ଟ୍ରିସ୍ ଟ୍ରଷ୍ଟ'ର ପ୍ରତିଷ୍ଠାତା ଯାହା ପରବର୍ତ୍ତୀ ୨୦୧୧ରେ ଏକ ବେସରକାରୀ ସଂଗଠନ ଭାବରେ ପଞ୍ଜୀକୃତ ହୋଇଥିଲା ।

ପୀପଲ ବାବା
ଜନ୍ମ	(1966-01-26) ୨୬ ଜାନୁଆରୀ ୧୯୬୬ ଚଣ୍ଡିଗଡ଼
ଜାତୀୟତା	ଭାରତୀୟ
ଶିକ୍ଷା	ଇଂରାଜୀ ସାହିତ୍ୟ ଓ ସାମ୍ବାଦିକତାରେ ସ୍ନାତକୋତ୍ତର
ପ୍ରସିଦ୍ଧି	ଗିଭ୍ ମି ଟ୍ରିଜ୍ ଟ୍ରଷ୍ଟ
ୱେବସାଇଟ	www.peepalbaba.org

ପ୍ରାରମ୍ଭିକ ଜୀବନ

ସେ ୨୬ ଜାନୁଆରୀ ୧୯୬୬ରେ ଚଣ୍ଡିଗଡ଼ରେ ଭାରତୀୟ ସେନାର ଜଣେ ଡାକ୍ତରଙ୍କ ଘରେ ଜନ୍ମଗ୍ରହଣ କରିଥିଲେ । ତାଙ୍କ ଇଂରାଜୀ ଶିକ୍ଷକ ତାଙ୍କୁ ୧୧ ବର୍ଷ ବୟସରେ ୧୯୭୭ ମସିହାରେ ଗଛ ଲଗାଇବା ପାଇଁ ପ୍ରେରଣା ଦେଇଥିଲେ । ୨୬ ଜାନୁଆରୀ ୧୯୭୭ରେ ପୁଣେର ଏକ ହବି କ୍ଲବରେ ସେ ତାଙ୍କର ପ୍ରଥମ ଗଛ ଲଗାଇଥିଲେ । ସେବେଠାରୁ ସେ ବୃକ୍ଷରୋପଣ କରି ଆସୁଛନ୍ତି । ସେ ଇଂରାଜୀ ସାହିତ୍ୟ ଓ ସାମ୍ବାଦିକତାରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି ।

ପେଷା

ସେ ୧୯୮୪ ମସିହାରେ ଓଶୋ ରଜନୀଶଙ୍କଠାରୁ ସନ୍ନ୍ୟାସୀ ଗ୍ରହଣ କରିଥିଲେ, ଯିଏ ତାଙ୍କୁ "ସ୍ୱାମୀ ପ୍ରେମ ପରିବର୍ତ୍ତନ" ନାମ ଦେଇଥିଲେ । ବର୍ଷ ବର୍ଷ ଧରି ସ୍ୱାଧୀନ ଭାବେ ନିଜେ ବୃକ୍ଷରୋପଣ କରିବା ପରେ ସେ ୨୦୧୦ମସିହାରେ ଗିଭ୍ ମି ଟ୍ରିସ୍ ଟ୍ରଷ୍ଟ ପ୍ରତିଷ୍ଠା କରିଥିଲେ। ପରେ ୨୦୧୧ମସିହାରେ ସେ ଏକ ବେସରକାରୀ ସଂଗଠନ ଭାବେ ପଞ୍ଜୀକୃତ ହୋଇଥିଲା ।

କୋଭିଡ ମହାମାରୀ ସମୟରେ ସେ ଓ ତାଙ୍କ ଟିମ୍ ସାମାଜିକ ଦୂରତା ନିୟମ ପାଳନ କରି ବୃକ୍ଷରୋପଣ ଅଭିଯାନ ଜାରି ରଖିଥିଲେ । ପାଖାପାଖି ୪୩ ବର୍ଷ ମଧ୍ୟରେ ସେ ଓ ତାଙ୍କ ଟିମ୍ ଭାରତର ୧୮ଟି ରାଜ୍ୟର ୨୦୨ଟି ଜିଲ୍ଲାରେ ୨୦ ନିୟୁତ ଗଛ ଲଗାଇବାରେ ସଫଳ ହୋଇଛନ୍ତି ।

ବାହାର ଲିଙ୍କ୍

• ଅଧିକାରିକ ୱେବସାଇଟ୍