ପାକିସ୍ତାନୀ ଭୋଜନ

ପାକିସ୍ତାନୀ ଭୋଜନ ଦକ୍ଷିଣ ଏସିଆର ବିଭିନ୍ନ ଭାଗର ଭୋଜନର ଏକ ମିଶ୍ରିତ ପ୍ରକାର ଅଟେ । ଏମିତି ଭି ପାକିସ୍ତାନୀ ଖାଦ୍ୟ ପ୍ରଣାଳୀ ଉତ୍ତର ଭାରତୀୟ ଖାଦ୍ୟ ପ୍ରଣାଳୀ ଉପରେ ଆଧାରିତ ଅଟେ କିନ୍ତୁ ଏହା ଉପରେ ମଧ୍ୟ ଏସିଆ ଏବଂ ପଶ୍ଚିମ ଏସିଆର ଭୋଜନ ବ୍ୟବସ୍ଥାର ମଧ୍ୟ ପ୍ରଭାବ ରହିଛି ଓ ଏହା ମାଂସ ଉପରେ ଆଧାରିତ ହୋଇଥାଏ । ମୋଗଲ ଭୋଜନ ଶୈଳୀ ମଧ୍ୟ ପାକିସ୍ତାନ ରେଷ୍ଟୁରାଣ୍ଟରେ ବହୁମାତ୍ରାରେ ଲୋକପ୍ରିୟ ଅଟେ ।

Lahori Beef Karahi, usually served with freshly made tandoori naan

ପାକିସ୍ତାନର ଭୋଜନ ଶୈଳୀ ଏହି କ୍ଷେତ୍ର ଆଧାରରେ ଅଲଗା-ଅଲଗା ହୋଇଥାଏ ଏବଂ ଏହି ଦେଶର ସାଂସ୍କୃତିକ ଏବଂ ସଂଜତୀୟ ବିବିଧତାକୁ ରେଖାଙ୍କିତ କରିଥାଏ । ଏହାର ପୂର୍ବଭାଗ - ସିନ୍ଧ ଏବଂ ପଞ୍ଜାବର ବ୍ୟଞ୍ଜନ ଅଧିକ ମସଲାଯୁକ୍ତ ହୋଇଥାଏ ଏବଂ ସେଥିରେ ଦକ୍ଷିଣ ଭାରତୀୟ ପାକବିଧିର ପ୍ରଭାବ ଦେଖାଯାଇଥାଏ ।

ବଡ଼ ସହରରେ ଅନ୍ତରାଷ୍ଟ୍ରୀୟ ବ୍ୟଞ୍ଜନ ଏବଂ ଫାଷ୍ଟଫୁଡ଼କୁ ମଧ୍ୟ ଖୁବ ପସନ୍ଦ କରାଯାଇଥାଏ । ସ୍ଥାନୀୟ ଏବଂ ବିଦେଶୀ ଭୋଜନର ସମିଶ୍ରଣରେ ତିଆରି ଫୁଇଜନ (ପାକିସ୍ତାନୀ ଚାଇନିଜ) ବଡ଼ ସହରରେ ପ୍ରାୟତଃ ଦେଖିବାକୁ ମିଳିଥାଏ । ତା'ସହିତ ଜୀବନଶୈଳିରେ ହେଉଥିବା ପରିବର୍ତ୍ତନ କାରଣରୁ ଅଡିନାରି ମସଲା ମିଶ୍ରଣର ଲୋକପ୍ରିୟତା ମଧ୍ୟ ବଢ଼ିବାରେ ଲାଗିଛି । ଏହାସତ୍ତ୍ୱେ ପାକିସ୍ତାନର ବିବିଧତା ହେତୁ ପ୍ରତ୍ୟେକ ଘରେ ପ୍ରସ୍ତୁତ ବ୍ୟଞ୍ଜନ ଏକା ନାମରେ ହୋଇଥିଲେ ମଧ୍ୟ ତାହାର ସ୍ୱାଦ ଏବଂ ଗଠଣି ଅଲଗା ହୋଇଥାଏ ।

ହଲାଲ

ମୁସଲମାନ ଦେଶରେ ଇସଲାମୀୟ ଆଇନର ପାଳନ କରାଯାଇଥାଏ ଯେଉଁଠାରେ କେବଳ ' ହଲାଲ (ଧାର୍ମିକ ମାନ୍ୟତା ପ୍ରାପ୍ତ) ବସ୍ତୁ ଖାଇବା-ପିଇବାର ମାନ୍ୟତା ଦିଆଯାଇଥାଏ । ଏହି ଆଇନ ପରି ଖାଇବା-ପିଇବା ଯୋଗ୍ୟ ପଦାର୍ଥ ଛଡା ତାହାକୁ ତିଆରି କରିବାର ପ୍ରଣାଳୀ ମଧ୍ୟ ସାମିଲ ହୋଇଥାଏ । ଏହି ଆଇନ ଖାସ ରୂପେ ବିଭିନ୍ନ ପ୍ରକାର ମାଂସ ଉପରେ ଲାଗୁ ହୋଇଥାଏ ।

ଐତିହାସିକ ପ୍ରଭାବ

ପାକିସ୍ତାନର ରାଷ୍ଟ୍ରୀୟ ଭୋଜନ ଶୈଳୀ ଇଣ୍ଡୋ-ଆର୍ଯ୍ୟନ ସଂସ୍କୃତି ଏବଂ ମୁସଲିମ ଭୋଜନ ପରମ୍ପରାର ବଂଶ ପରମ୍ପରା ଗତ ହୋଇଥାଏ । ଏହି ଭୂ ଭାଗର ପ୍ରାଚୀନତମ ସଭ୍ୟତାର ମୋହନ-ଜୋ-ଦରୋ ଏବଂ ହରପ୍ପା ସଭ୍ୟତା ସାମିଲ ହୋଇଛି । ୩୦୦ ବର୍ଷ ପୂର୍ବ କାଳରେ ବହୁ ପ୍ରକାର ପଶୁ-ପକ୍ଷୀ ଉପରେ ଆଧାରିତ ଭୋଜନ ବିଧି ପ୍ରଚଳିତ ଥିଲା । ତା'ସହିତ ହଳଦୀ, ଅଳେଇଚ, କଳା ମରିଚ ଏବଂ ସୋରିଷ ପରି ମସଲା ଉତ୍ପାଦନ କରାଯାଉଥିଲା ଏବଂ ଖାଦ୍ୟରୂପେ ଗ୍ରହଣ କରାଯାଉ ଥିଲା । ପାଖାପାଖି ୧୦୦୦ ବର୍ଷ ପର୍ଯ୍ୟନ୍ତ, ଗହମ ଏବଂ ଚାଉଳ ହିଁ ସିନ୍ଧୁ ଘାଟି ସଭ୍ୟତା ମାଧ୍ୟମରେ ଖାଦ୍ୟ ପଦାର୍ଥରେ ସାମିଲ ଥାଏ।

ବର୍ତ୍ତମାନ ପାକିସ୍ତାନର ରାସ୍ତାରେ ଦକ୍ଷିଣ ଏସିଆରେ ଇସ୍ଲାମର ଆଗମନ ଏହି ଭୂଭାଗର ଭୋଜନ ଉପରେ ବଡ଼ ପ୍ରଭାବ ପକାଇଥିଲେ । ଇସଲାମୀୟ ଭୋଜନ ଆଇନ ଅନୁସାରେ ଘୁଷୁରୀର ମାଂସ ଏବଂ ମଦର ସେବନ ସମ୍ପୂର୍ଣ୍ଣ ରୂପେ ମନା କରାଯାଇଥାଏ । ଏହି ପ୍ରକାରେ ପାକିସ୍ତାନୀ ଭୋଜନ ଶୈଳୀରେ ଅନ୍ୟପ୍ରକାର ମାଂସ ଯେପରି, ଗୋମାଂସ, ମାଛ ଏବଂ କୁକୁଡ଼ାର ପ୍ରୟୋଗ ହୋଇଥାଏ । ଏହାସହିତ ପରିବା ଏବଂ ପ୍ରାକୃତିକ ରୂପେ ମିଳୁଥିବା ଫଳ ଏବଂ କ୍ଷୀର ପଦାର୍ଥର ଉପଯୋଗ କରାଯାଇଥାଏ ।

ମୂଳ ଅବୟବ

ପାକିସ୍ତାନୀ ଖାଦ୍ୟ ସାଧାରଣତଃ ମହକ ଏବଂ ଅଧିକ ମସଲା ଯୁକ୍ତ ପାଇଁ ବିଖ୍ୟାତ । କେବେକେବେ କିଛି ଖାଦ୍ୟରେ ତେଲର ବହୁ ମାତ୍ରାରେ ବ୍ୟବହାର କରାଯାଇଥାଏ । ସମଗ୍ର ପାକିସ୍ତାନରେ ବନାଉଥିବା ଭୋଜନରେ କଳା ମରିଚ, ଜାୟିତ୍ରୀ, ଅଳେଇଚ, ଡାଲଚିନି, ଲବଙ୍ଗ, ଜାଇଫଳକୁ ମସଲା ରୂପେ ବ୍ୟବହାର କରାଯାଏ । ଜିରା , ଲଙ୍କା ପାଉଡର ବ୍ୟବହାରରେ ଭୋଜନକୁ ଅଳ୍ପ ରାଗ କରାଯାଏ । ବହୁ ପ୍ରକାର ସୁଗନ୍ଧ ଯୁକ୍ତ ମିଶ୍ରଣ ମସଲା ପାଉଡ଼ରରେ ପ୍ରସ୍ତୁତ ଗରମ ମସଲା ମଧ୍ୟ ବହୁ ଭୋଜନରେ ବ୍ୟବହୃତ ହୋଇଥାଏ ।

ଗ୍ୟାଲେରି

• 
  A variety of dishes cooked by Barbecue
• 
  Seekh kebab (minced meat on skewers), a famous Pakistani food specialty
• 
  Chapati (bread) with a piece of chicken meat
• 
  Peshwari naans freshly made in the tandoor (open oven)
• 
  Sindhi biryani
• 
  Gulab jamun

ବାହାର ଲିଙ୍କ

• Pakistani Recipes
• Pakistani cuisine at Curlie
• Pakistani Food