ନିହାରୀକା ମହାନ୍ତି

ନିହାରୀକା ମହାନ୍ତି ଜଣେ ପ୍ରସିଦ୍ଧ ଓଡ଼ିଶୀ ନୃତ୍ୟ କଳାକାର । ସେ କାନାଡାରେ ବଢ଼ିଥିଲେ ମଧ୍ୟ ମାତ୍ର ପାଞ୍ଚ ବର୍ଷ ବୟସରୁ ଓଡ଼ିଶୀ ଶିଖିଥିଲେ । ସେ ଗୁରୁ ମୂରଲୀଧର ମାଝି, ଗୁରୁ ପଙ୍କଜଚରଣ ଦାଶ, ଶ୍ରୀମତୀ ଆନନ୍ଦ ରାଧା ଓ ଶ୍ରୀମତୀ ମେନ‌କା ଠକ୍କରଙ୍କଠାରୁ ନୃତ୍ୟ ଶିକ୍ଷା କରିଥିଲେ । ସେ ଗୁରୁ କେଳୁଚରଣଙ୍କ ନୃତ୍ୟ ଶୈଳୀରେ ପ୍ରସିଦ୍ଧି ଲାଭ କରିଥିଲେ । ଗୁରୁଙ୍କ ମୃତ୍ୟୁ ପରେ ତାଙ୍କ ପୁତ୍ର ରତିକାନ୍ତ ମହାପାତ୍ର ଓ ପୁତ୍ରବଧୂ ସୁଜାତା ମହାପାତ୍ରଙ୍କଠାରୁ ଶିକ୍ଷା ଗ୍ରହଣ କରିଥିଲେ । ନିହାରୀକାଙ୍କ ମୂଳଲକ୍ଷ ଥିଲା, ଗୁରୁଶ୍ରଦ୍ଧା ଜରିଆରେ ଗୁରୁଙ୍କ ନୃତ୍ୟକୁ ଉତ୍ତର ଆମେରିକାରେ ପ୍ରସାର କରାଇବା । ସେ ୟର୍କ ବିଶ୍ୱବିଦ୍ୟାଳୟ, ଟରଣ୍ଟୋରୁ ନୃତ୍ୟରେ ସ୍ନାତ୍ତକ କରିବା ସ‌ହ ଆନ୍ତର୍ଜାତୀୟ ସ୍ତରରେ, ବିଶେଷତଃ ଉତ୍ତର ଆମେରିକାରେ ଏକ‌କ ନୃତ୍ୟ ପରିବେଷଣ କରିଛନ୍ତି । ସେ ଜାତୀୟ ଓଡ଼ିଶୀ ନୃତ୍ଯ ଓ ସଙ୍ଗତ ଉତ୍ସବ, ଭୁବନେଶ୍ୱର, ଭାରତୀୟ ସାଂସ୍କୃତିକ ସଙ୍ଗୀତ ଓ ନୃତ୍ୟ ଉତ୍ସବ, ଶିବାନନ୍ଦ ଆଶ୍ରମ, ବାହାମାସ୍, ଚିତ୍ରେଶ୍ ଦାଶ ନୃତ୍ୟ କମ୍ପାନୀଦ୍ୱାରା ସାନ୍‌ଫ୍ରାନ୍‌ସିସ୍କୋଠାରେ ଆୟୋଜିତ ଟ୍ରାଡ଼ିସନ୍‌ସ ଏନ୍‌ଗେଜ୍‌ଡ, ସାନ୍ ଫ୍ରାନ୍‌ସିସ୍‌କୋ ଏଥିନିକ୍ ଡ୍ୟାନ୍ସ୍ ଫେଷ୍ଟିବାଲ୍, ଓ ନର୍ତ୍ତକୀ ଡ୍ୟାନ୍ସ୍ ଫେଷ୍ଟିବାଲ୍‌ରେ ନୃତ୍ୟ ପରିବେଷଣ କରିଛନ୍ତି । ସେ ୨୦ ବର୍ଷ ଧରି ଆନୁଷ୍ଠାନିକ ଭାବେ ନୃତ୍ୟ ପରିବେଷଣ କରିଆସୁଛନ୍ତି । ସେ ୧୯୯୩ରୁ ନୃତ୍ୟ ଶିକ୍ଷା ଦେଉଥିବା ବେଳେ ୧୯୯୬ରୁ ନୃତ୍ୟ ନିର୍ଦ୍ଦେଶନା ଦେଉଛନ୍ତି । ସେ ବର୍ତ୍ତମାନ ନୃତ୍ୟ ଅନୁଷ୍ଠାନ ଗୁରୁ ଶ୍ରଦ୍ଧାର ପ୍ରଧାନ ଅଧ୍ୟକ୍ଷ ଓ ପ୍ରବନ୍ଧକ ।

ନିହାରୀକା ମହାନ୍ତି
ଜନ୍ମ	କାନାଡା
ବୃତ୍ତି	ଓଡ଼ିଶୀ ନର୍ତ୍ତକୀ ଓ ଗୁରୁ
Dances	ଓଡ଼ିଶୀ