ନିକୋଲେଟ ବାର୍ଡ଼

ନିକୋଲେଟ ବାର୍ଡ ଜଣେ ଭାରତୀୟ ଅଭିନେତ୍ରୀ ଏବଂ ମଡେଲ ଯିଏକି ହିନ୍ଦୀ, ତେଲୁଗୁ, କନ୍ନଡ଼ ଆଦି ଭାଷାର କଥାଚିତ୍ରରେ ଅଭିନୟ କରିଛନ୍ତି । ୨୦୦୮ ମସିହାରେ ସେ ହିନ୍ଦୀ କଥାଚିତ୍ର ରକ୍ ଅନ୍‌‌ରେ ଅଭିନୟ କରିଥିଲେ । ଏହା ପୂର୍ବରୁ ସେ ୨୦୦୩ ମସିହାର ହିନ୍ଦୀ କଥାଚିତ୍ର ୟୁଏମ୍ଆଇ ୧୦ ଭୋଲ୍ୟୁମ୍ ୪ରେ ଜଣେ ପ୍ରଚ୍ଛଦପଟର ନର୍ତ୍ତକୀ ଭାବରେ କାମ କରିଥିଲେ । ଜଣେ ମଡେଲ ଭାବରେ ସେ ଭରତୀୟ ଦୂରଦର୍ଶନ ବିଜ୍ଞାପନ ଏବଂ ପତ୍ରିକା ବିଜ୍ଞାପନରେ କାମ କରିଛନ୍ତି ।

ନିକୋଲେଟ ବାର୍ଡ଼
ଜନ୍ମ	କଲିକତା, ପଶ୍ଚିମ ବଙ୍ଗ, ଭାରତ
ଅନ୍ୟ ନାମ	ନୀକୋ
ବୃତ୍ତି(ସମୂହ)	ଅଭିନେତ୍ରୀ, ମଡେଲ୍
ବୈବାହିକ-ସାଥୀ	ରବି ମେହେଟ୍ଟା

ପେଷା

ନିକୋଲେଟ୍ ଜଣେ ମଡେଲ ଭାବେ କାମ କରିବା ସହିତ ହିନ୍ଦୀ ଓ ତେଲୁଗୁ କଥାଚିତ୍ର ଜଗତରେ ଛୋଟ ଛୋଟ ଭୂମିକାରେ ଏବଂ ପ୍ରଚ୍ଛଦପଟ ନର୍ତ୍ତକୀ ଭାବରେ କାମ କରୁଥିଲେ । ୨୦୦୮ ମସିହାର ସେ ହିନ୍ଦୀ କଥାଚିତ୍ର ରକ୍ ଅନ୍‌‌ରେ ତାନିଆ ଭୂମିକାରେ ଅଭିନୟ କରିଥିଲେ । ସେ ଅମାନ ଓ ଆୟାନ ଅଲ୍ଲୀ ଖାନ ମ୍ୟୁଜିକ ଭିଡିଓ "ପାଥ୍‌‌‌ୱେ ଟୁ ଦି ଅନ୍‌ନୋନ୍"ରେ କାମ କରିଥିଲେ ।

ଅଭିନୀତ କଥାଚିତ୍ର

ବର୍ଷ	କଥାଚିତ୍ର	ଭୂମିକା	ଭାଷା	ମନ୍ତବ୍ୟ
୨୦୦୩	ୟୁଏମ୍ଆଇ ୧୦ ଭୋଲ୍ୟୁମ୍ ୪		ହିନ୍ଦୀ	ପ୍ରଚ୍ଛଦପଟ ନର୍ତ୍ତକୀ
୨୦୦୬	ବସ୍, ଆଇ ଲଭ୍ ୟୁ		ତେଲୁଗୁ	ଅତିଥି କଳାକାର
୨୦୦୮	ରକ୍ ଅନ୍!!	ତାନିଆ	ହିନ୍ଦୀ
୨୦୦୯	ହାଟ୍ରିକ୍ ହୋଦି ମଗା	ସୁମା	କନ୍ନଡ଼
୨୦୧୦	ଷ୍ଟ୍ରାଇକର	ନୁରୀ	ହିନ୍ଦୀ

ବ୍ୟକ୍ତିଗତ ଜୀବନ

ନିକୋଲେଟ କଲିକତାରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଏଡ଼ୱିନ ବାର୍ଡ଼ ଏବଂ ମାଆଙ୍କ ନାମ ନିଚୋଲାସ ବାର୍ଡ଼ । ଫେବୃଆରୀ ୨୦୦୮ରେ ମୁମ୍ବାଇର ଏକ ହୋଟେଲରେ ତାଙ୍କ ପତି ରବି ମେହେଟ୍ଟାଙ୍କୁ ଭେଟିଥିଲେ ।

ବାହାର ଲିଙ୍କ୍

• ଇଣ୍ଟରନେଟ ମୁଭି ଡାଟାବେସରେ ନିକୋଲେଟ ବାର୍ଡ଼