ଜୀଜାଜୀ ଛତ୍ ପର୍ ହେଁ

ଜୀଜାଜୀ ଛତ୍ ପର୍ ହେଁ (English: Is Brother-in-law on Terrace?) ଏକ ଭାରତୀୟ ହିନ୍ଦୀ ସିଟକମ ଧାରାବାହିକ । ଏହାର କାହାଣୀ ଇଲାଇଚି (ହିବା ନୱାବ) ନାମକ ଏକ ଯୁବତୀ ଏବଂ ପଞ୍ଚମ (ନିଖିଲ ଖୁରାନା) ନାମକ ଏକ ଯୁବକକୁ ନେଇ ଗଢ଼ି ଉଠିଛି । ଏଡିଟ ୨ ପ୍ରଡକ୍ସନ୍ସ ଏହି ଧାରାବାହିକର ନିର୍ମାତା ଅଟନ୍ତି । ଏହି ଧାରାବାହିକ ୯ ଜାନୁଆରୀ, ୨୦୧୮ରୁ ପ୍ରସାରିତ ହୋଇ ଆସୁଛି ।

ଜୀଜାଜୀ ଛତ୍ ପର୍ ହେଁ
ଶୈଳୀ	ସିଟକମ
ଲେଖକ	ମନୋଜ ସନ୍ତୋଷୀ ରଘୁବୀର ଶେଖାୱତ
ନିର୍ଦ୍ଦେଶନା	ଶଶାଙ୍କ ବଲି
କଳାକାର	ହିବା ନୱାବ ନିଖିଲ ଖୁରାନା ଅନୁପ ଉପାଧ୍ୟାୟ
ଦେଶ	ଭାରତ
ମୂଳ ଭାଷା	ହିନ୍ଦୀ
ଭାସଗ seasons	୧
ଅଧ୍ୟାୟ ସଂଖ୍ୟା	୨୫୭ as of ୨୮ ଡିସେମ୍ବର ୨୦୧୮
Production
Producer(s)	ସଞୟ କୋହଲୀ ବିନୈଫେର କୋହଲୀ
ସ୍ଥାନ	ସାନିଆ ଫିଲ୍ମ ସ୍ତୁଡିଓ, ନାଏଗାଁଓ
Camera setup	ମଲ୍ଟି-କ୍ୟାମେରା
Running time	୨୨ ମିନିଟ
Production company(s)	ଏଡିଟ II ପ୍ରଡକ୍ସନ୍ସ
Distributor	ସୋନି ପିକଚର୍ସ ନେଟୱର୍କ୍ସ
Release
ମୂଳ ଚେନାଲ୍	ସବ ଟିଭି
Picture format	576i ଏସଡିଟିଭି 1080i ଏଚଡିଟିଭି
Audio format	ହିନ୍ଦୀ
ମୁକ୍ତିଲାଭ ତାରିଖ	9 ଜାନୁଆରୀ 2018 (2018-01-09) – ବର୍ତ୍ତମାନ
External links
Official website

କଥାସାର

ମୁରାରୀ ବଂସଲ (ଅନୁପ ଉପାଧ୍ୟାୟ) ଦିଲ୍ଲୀର ଚାନ୍ଦନୀ ଚୌକରେ ଏକ ଲେହେଙ୍ଗା ଦୋକାନର ମାଲିକ । ସେ ନିଜ ସ୍ତ୍ରୀ କରୁଣା (ସୋମା ରାଥୋଡ଼) ଏବଂ ଝିଅ ଇଲାଇଚି (ହିବା ନୱାବ) ସହିତ ରହେ । ଇଲାଇଚି ଏକ ବହୁତ ଚତୁର ଝିଅ । ତା' ପାଖରେ ନିଜ କାମ ହାସଲ କରିବା ପାଇଁ ଅନେକ ଉପାୟ ଅଛି । ୨୨ ବର୍ଷ ବୟସର ହୋଇଥିଲେ ମଧ୍ୟ ପ୍ରତିବର୍ଷ ପରୀକ୍ଷାରେ ଜାଣିଶୁଣି ଫେଲ ହୋଇ ସେ ଏବେ ମଧ୍ୟ ସ୍କୁଲ ଯାଉଛି ଯାହାଦ୍ୱାରା ତାକୁ ବିବାହ କରିବାକୁ ପଡ଼ିବନି । ଦିନେ ମୁରାରୀ ନିଜ ବସା ପଞ୍ଚମକୁ (ନିଖିଲ ଖୁରାନା) ଭଡ଼ାରେ ଦେଇଦେଲା । ପଞ୍ଚମ ଆଗ୍ରାର ୨୪ ବର୍ଷ ବୟସର ଯୁବକ ଏବଂ ଜଣେ ସଂଗୀତ ନିର୍ଦ୍ଦେଶକ ହେବାର ସ୍ୱପ୍ନ ଦେଖେ କିନ୍ତୁ ନିଜ ଆବଶ୍ୟକତା ପୂରଣ କରିବା ପାଇଁ ମୁରାରୀ ଦୋକାନରେ କାମ କରେ । ସେ ନିଜ ସାଙ୍ଗ ପିଣ୍ଟୁ (ହରବୀର ସିଂ) ସହିତ ଦିଲ୍ଲୀ ଆସି ସେଠାରେ ରହୁଛି । ଯେହେତୁ ମୁରାରୀ ନିଜ ବସା କେବଳ ବିବାହିତ ଦମ୍ପତିଙ୍କୁ ଭଡ଼ାରେ ଦେବାକୁ ସ୍ଥିର କରିଛି, ତେଣୁ ପଞ୍ଚମ ଏବଂ ପିଣ୍ଟୁ ବିବାହିତ ଦମ୍ପତି ହୋଇଥିବାର ନାଟକ କରନ୍ତି । କିନ୍ତୁ ଇଲାଇଚିକୁ ଦୁହିଙ୍କର ନାଟକ ବିଷୟରେ ଜଣା ପଡିଯାଏ । ଏପରି ସ୍ଥଳେ ଦୁଇ ଜଣ କିପରି ନିଜ ଅସଲ ପରିଚୟକୁ ଲୁଚାଇ ରଖିପାରୁଛନ୍ତି ତାହାକୁ ନେଇ ଏହି ଧାରାବାହିକଟି ପର୍ଯ୍ୟବସିତ ।

କଳାକାର

• ହିବା ନୱାବ ଇଲାଇଚି ଚରିତ୍ରରେ । ସେ ୨୨ ବର୍ଷର ଏକ ଜିଦ୍ଦି ଓ ଚୁଲବୁଲୀ ଝିଅଟିଏ । ତାକୁ ସବୁକିଛି ତା ଇଚ୍ଛା ଅନୁସାରେ ଦରକାର ।
• ନିଖିଲ ଖୁରାନା ପଞ୍ଚମ ଚରିତ୍ରରେ । ସେ ସଂଗୀତ ନିର୍ଦ୍ଦେଶକ ହେବାର ସ୍ୱପ୍ନ ଦେଖୁଥାଏ କିନ୍ତୁ ନିଜ ଗୁଜୁରାଣ ମେଣ୍ଟାଇବା ପାଇଁ ମୁରାରୀର ଦୋକାନରେ କାମ କରେ ଏବଂ ସେହି ଘରର ଛାତ ଉପରେ ଏକ ବସାରେ ରହେ । ସେ ଅନେକ ଥର ଇଲାଇଚିର ମସ୍ତିର ଶିକାର ହେଇଯାଏ ।
• ଅନୁପ ଉପାଧ୍ୟାୟ ମୁରାରୀ ବଂସଲ ଚରିତ୍ରରେ । ସେ ଇଲାଇଚିର ପିତା ଏବଂ ଏକ ଲେହେଙ୍ଗା ଦୋକାନର ମାଲିକ । ସେ ଜଣେ କଞ୍ଜୁସ ବ୍ୟକ୍ତି । ନିଜ ଝିଅ ଇଲାଇଚିର ବିବାହ କେମିତି କରାଇବେ ତା' ତାଙ୍କର ସବୁଠାରୁ ବଡ଼ ଚିନ୍ତା ।
• ସୋମା ରାଥୋଡ଼ କରୁଣା ଚରିତ୍ରରେ । ସେ ମୁରାରୀର ସ୍ତ୍ରୀ, ଇଲାଇଚିର ମାତା ଏବଂ ଛଟଙ୍କିର ଭଉଣୀ । ସେ ଜଣେ ସାଧାରଣ ଗୃହିଣୀ । ଯଦିଓ ବେଳେ ବେଳେ ସେ ଚିଡ଼ିଉଠେ ସେ ଏକ ନିଷ୍ଠାବାନ ଗୃହିଣୀ ଓ ଏକ ସ୍ନେହୀ ମା' ।
• ହରବୀର ସିଂ ପିଣ୍ଟୁ ଚରିତ୍ରରେ । ସେ ପଞ୍ଚମର ସବୁଠାରୁ ଭଲ ସାଙ୍ଗ ଓ ତାର ନକଲି ସ୍ତ୍ରୀ ମଧ୍ୟ ।
• ଯୋଗେଶ ତ୍ରିପାଠୀ ଛୋଟେ ଚରିତ୍ରରେ । ସେ ଜଣେ ବାରିକ ଏବଂ ସେହି ଅଞ୍ଚଳର ସବୁଠାରୁ ବଡ଼ ଗପୁଡ଼ି । ତା'ର "ମନ୍ଦାକିନୀ ହେୟାର ରିମୁଭ ସେଲୁନ" ନାମକ ଏକ ଦୋକାନ ଅଛି ।
• ରାଶୀ ବାୱା ସୁନୀତା ଚରିତ୍ରରେ । ସେ ଇଲାଇଚିର ସବୁଠାରୁ ପ୍ରିୟ ସାଙ୍ଗ । ସେ ସବୁବେଳେ ଇଲାଇଚି ସହିତ ସେଲଫି ଉଠଉଥାଏ ।
• ଫିରୋଜ ଛଟଙ୍କି ଚରିତ୍ରରେ । ସେ କରୁଣାର ଭାଇ ।
• ନବୀନ ବାୱା ଦାରୋଗା ପିଙ୍କୀ ଚରିତ୍ରରେ । ଆଇନ-ସେବାଠାରୁ ତା'ର ରୁଚି ରୋଷେଇ, ଲୁଗାବୁଣା ଆଦି ଘରକାମ କରିବାରେ ।
• ସାହେବ ଦାସ ମାଣିକପୁରୀ ମଙ୍ଗୀଲାଲ ଚରିତ୍ରରେ । ସେ ଏକ କନଷ୍ଟେବଳ ଏବଂ ଦାରୋଗା ପିଙ୍କି ଅଧିନରେ କାମ କରେ ।