ଗାଗାରିନ ମିଶ୍ର

ଗାଗାରିନ ମିଶ୍ର ଜଣେ ଓଡ଼ିଆ ସିନେମାଟୋଗ୍ରାଫର ଥିଲେ । ସେ ଓଡ଼ିଆ କଥାଚିତ୍ର ଜଗତ ସମେତ ହିନ୍ଦୀ କଥାଚିତ୍ର ଜଗତରେ କାର୍ଯ୍ୟ କରିଥିଲେ । ସେ ନ୍ୟାସ୍‌ନାଲ୍ ଜିଓଗ୍ରାଫି ପାଇଁ ମଧ୍ୟ ଜଣେ କ୍ୟାମେରାମ୍ୟାନ୍ ଭାବରେ କାର୍ଯ୍ୟ କରିଥିଲେ । ୨୦୧୩ ମସିହାରେ ତାଙ୍କୁ ଓଡ଼ିଆ କଥାଚିତ୍ର ନଈ ସେପାରୀ କନକ ଗୋରୀ ପାଇଁ ୨୪ତମ ରାଜ୍ୟ ଚଳଚ୍ଚିତ୍ର ପୁରସ୍କାରରେ ଶ୍ରେଷ୍ଠ ଚିତ୍ରଗ୍ରହଣକାରୀ ପୁରସ୍କାର ମିଳିଥିଲା । ସେ ବେତାବ, ଚାନ୍ଦିନୀ, ତେଜାବ, ଚାଲବାଜ, ପ୍ୟାର କି ଜିତ୍, ଜାଲୱା, ରାମ-ଅବତାର ଭଳି ଅନେକଗୁଡ଼ିଏ ପ୍ରସିଦ୍ଧ ହିନ୍ଦୀ କଥାଚିତ୍ରରେ କାମ କରିଥିଲେ ।

ଗାଗାରିନ ମିଶ୍ର
ମୃତ୍ୟୁ	୮ ସେପ୍ଟେମ୍ବର ୨୦୨୦(୨୦୨୦-୦୯-୦୮) ମୁମ୍ବାଇ
ମୃତ୍ୟୁର କାରଣ	ହୃଦଘାତ
ବୃତ୍ତି	ସିନେମାଟୋଗ୍ରାଫର
ସମ୍ପର୍କୀୟ	ଦେବେନ ମିଶ୍ର
ପୁରସ୍କାର	୨୪ତମ ରାଜ୍ୟ ଚଳଚ୍ଚିତ୍ର ପୁରସ୍କାର

ସେ ଓଡ଼ିଆ କଥାଚିତ୍ର ଜଗତର ଜଣାଶୁଣା ସମ୍ପାଦକ ଦେବେନ ମିଶ୍ରଙ୍କ ଭାଇ । ଗାଗାରିନ ୮ ସେପ୍ଟେମ୍ବର ୨୦୨୦ରେ ୬୭ ବର୍ଷ ବୟସରେ ହୃଦ୍‌ଘାତରେ ପ୍ରାଣ ହରାଇଥିଲେ ।

କାର୍ଯ୍ୟ କରିଥିବା କଥାଚିତ୍ରର ତାଲିକା

• ଫୁଲ ଚନ୍ଦନ (ଓଡ଼ିଆ)
• ନଈ ସେପାରୀ କନକ ଗୋରୀ (ଓଡ଼ିଆ)
• ବେତାବ (ହିନ୍ଦୀ)
• ଚାନ୍ଦିନୀ (ହିନ୍ଦୀ)
• ତେଜାବ (ହିନ୍ଦୀ)
• ଚାଲବାଜ (ହିନ୍ଦୀ)
• ପ୍ୟାର କି ଜିତ୍ (ହିନ୍ଦୀ)
• ଜାଲୱା (ହିନ୍ଦୀ)
• ରାମ-ଅବତାର (ହିନ୍ଦୀ)

ପୁରସ୍କାର

• ୨୪ ତମ ରାଜ୍ୟ ଚଳଚ୍ଚିତ୍ର ପୁରସ୍କାର - ନଈ ସେପାରୀ କନକ ଗୋରୀ (୨୦୧୩)

ମୃତ୍ୟୁ

୨୦୨୦ ମସିହାର ସେପ୍ଟେମ୍ବର ମାସ ୮ ତାରିଖରେ ଗାଗାରିନ ମୁମ୍ବାଇର ଏକ ଘରୋଇ ଡାକ୍ତରଖାନରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ । ମୃତ୍ୟୁବେଳକୁ ତାଙ୍କୁ ୬୭ ବର୍ଷ ବୟସ ହୋଇଥିଲା । ସେ ହୃଦ୍‌ଘାତରେ ଆକ୍ରାନ୍ତ ଥିଲେ ।

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଗାଗାରିନ ମିଶ୍ର