କୋଣାର୍କ ଟେଲିଭିଜନ

କୋଣାର୍କ ଟେଲିଭିଜନ ଉଦ୍ୟୋଗଟି ଓଡ଼ିଶା ସରକାରଙ୍କଦ୍ୱାରା ୧୯୭୩-୭୪ ମସିହାରେ ପ୍ରତିଷ୍ଠା କରାଯାଇଥିଲା । ଏହା ଉଭୟ କଳାଧଳା ଓ ରଙ୍ଗୀନ ଟେଲିଭିଜନ ନିର୍ମାଣ କରୁଥିଲା । ଭୁବନେଶ୍ୱରର ମଞ୍ଚେଶ୍ୱର ଓ ରସୁଲଗଡ଼ଠାରେ ଥିବା କାରଖାନାରେ ଏହି ଟେଲିଭିଜନ ନିର୍ମାଣ କରାଯାଉଥିଲା । ୧୯୮୬-୮୭ ମସିହା ବେଳକୁ ଏହି ସଂସ୍ଥା ଉନ୍ନତମାନର ଟେଲିଭିଜନ ଉତ୍ପାଦନ କରି ଜାତୀୟ ସ୍ଥରରେ ଖୁବ ଖ୍ୟାତି ଅର୍ଜନ କରିଥିଲା । ୧୯୮୯-୯୦ ବେଳକୁ ଭାରତରେ ପ୍ରବେଶ କରିସାରିଥିବା ବିଦେଶୀ ଟେଲିଭିଜନଗୁଡ଼ିକ ସହ ମୁକାବଲା କରି ନପାରି କୋଣାର୍କ ଟେଲିଭିଜନର ଅଧୋପତନ ଆରମ୍ଭ ହୋଇଥିଲା । ୧୯୮୮-୮୯ ବିତ୍ତିୟ ବର୍ଷରେ ଏହି ସଂସ୍ଥା ସର୍ବାଧିକ ୪୧.୨୩କୋଟି ଟଙ୍କାର କାରବାର କରିଥିଲା ତଥା ୧,୨୩,୪୨୨ଟି ଟେଲିଭିଜନ ବିକ୍ରି କରିପାରିଥିଲା ବେଳେ ୧୯୮୯-୯୦ରେ ଏହାର କାରବାର ୨୫.୧୬କୋଟିକୁ ଖସିଆସିଥିଲା । ଋଣବୃଦ୍ଧି ଓ ଅଧିକ ଖର୍ଚ୍ଚ ଯୋଗୁଁ କ୍ରମେ ଏହି ସଂସ୍ଥା ରୁଗଣ ହୋଇପଡ଼ିଥିଲା ଓ ଟେଲିଭିଜନ ନିର୍ମାଣ ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା ।

କୋଣାର୍କ ଟେଲିଭିଜନ‌

ପ୍ରକାର	ସରକାରୀ
ପ୍ରତିଷ୍ଠିତ ସ୍ଥାନ	୧୯୭୩-୭୪
ପ୍ରତିଷ୍ଠାତା	ଓଡ଼ିଶା ସରକାର
ମୁଖ୍ୟ କାର୍ଯ୍ୟାଳୟ	ମଞ୍ଚେଶ୍ୱର, ଭୁବନେଶ୍ୱର
ଉତ୍ପାଦ	ଟେଲିଭିଜନ‌