କାଜି ନସ୍ୱାବ ଅହମ୍ମଦ
କାଜି ନସ୍ୱାବ ଅହମ୍ମଦ (ଜନ୍ମ: ୮ ମଇ ୧୯୯୭) ଜଣେ ବଙ୍ଗଳାଦେଶୀ ଅଭିନେତ୍ରୀ, ଯିଏକି ମୁଖ୍ୟତଃ ବଙ୍ଗଳାଦେଶୀ ଦୂରଦର୍ଶନରେ ଅଭିନୟ କରନ୍ତି । କାଜି ଅହମ୍ମଦ ଦୂରଦର୍ଶନ କାର୍ଯ୍ୟକ୍ରମ ବ୍ୟତୀତ ବଙ୍ଗଳାଦେଶୀ କଥାଚିତ୍ର ଜଗତରେ ଅଭିନୟ କରିଛନ୍ତି ଏବଂ ଜଣେ ଡବିଂ କଳାକାର ଭାବରେ ମଧ୍ୟ ସେ ଅନେକ ଦୂରଦର୍ଶନ ଧାରାବାହିକ ଓ କଥାଚିତ୍ରରେ ସ୍ୱର ଦେଇଛନ୍ତି ।[୧][୨]
କାଜି ନସ୍ୱାବ ଅହମ୍ମଦ | |
|---|---|
| ଜନ୍ମ | ୮ ମଇ ୧୯୯୭ |
| ଜାତୀୟତା | ବଙ୍ଗଳାଦେଶୀ |
| ବୃତ୍ତି(ସମୂହ) | ମଡେଲ, ଅଭିନେତ୍ରୀ |
| ସକ୍ରିୟ ବର୍ଷ | ୨୦୦୪–ଏବେଯାଏଁ |
| ଉଲ୍ଲେଖନୀୟ କୃତି | ରୂପକଥା, ଲଳିତା |
ଜନ୍ମଗ୍ରହଣ
ସମ୍ପାଦନାକାଜି ନସ୍ୱାବ ଅହମ୍ମଦ ୧୯୯୭ ମସିହାର ମଇ ମାସ ୮ ତାରିଖରେ ବଙ୍ଗଳାଦେଶର ରାଜଧାନୀ ଢାକାଠାରେ ଜନ୍ମଗ୍ରହଣ କରିଥିଲେ ।
ପେଶା
ସମ୍ପାଦନାକାଜି ୨୦୦୮ ମସିହାରେ ବଙ୍ଗଳାଦେଶ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ଉଧାଓ, ଯାହାକି ୨୦୦୮ ମସିହାରୁ ସୁଟିଂ ଆରମ୍ଭ ହୋଇଥିଲା ଏବଂ ଏହି କଥାଚିତ୍ରଟି ୨୦୧୩ ମସିହାରେ ମୁକ୍ତିଲାଭ କରିଥିଲା । ଏହି କଥାଚିତ୍ରରେ କାଜି ଅହମ୍ମଦ ମିତା ଭୂମିକାରେ ଅଭିନୟ କରିଥିଲେ ।
୨୦୧୫ ମସିହାରେ ମୁକ୍ତିଲାଭ କରିଥିବା ବଙ୍ଗଳାଦେଶୀ କଥାଚିତ୍ର ଛୁୟେ ଦିଲ୍ ମୋନ୍ରେ କାଜି ଅଭିନୟ କରିଥିଲେ । ଏହି କଥାଚିତ୍ରଟିରେ କାଜି ଏକ ସ୍ୱତନ୍ତ୍ର ଭୂମିକାରେ ଅଭିନୟ କରିଥିଲେ । ଏହି କଥାଚିତ୍ରରେ କାଜିର ଭୂମିକାର ନାମ ଥିଲା ଅବନ୍ତୀ । ଏହାପରେ କାଜି ଅହମ୍ମଦ ଅନ୍ୟ ଏକ ବଙ୍ଗଳାଦେଶୀ କଥାଚିତ୍ର ପ୍ରତିରୁଦ୍ଧରେ ଅତିଥି କଳାକାର ଭାବରେ ଅଭିନୟ କରିଥିଲେ, ମାତ୍ର ଚଳଚ୍ଚିତ୍ର ନିର୍ମାଣରେ ଅଧିକ ବ୍ୟୟ ଯୋଗୁଁ ଏହା ସର୍ବସାଧାରଣରେ ମୁକ୍ତିଲାଭ କରିବାରେ ସକ୍ଷମ ହୋଇନଥିଲା ।
୨୦୧୭ ମସିହାରେ ମୁକ୍ତିଲାଭ କରିଥିବା ବଙ୍ଗଳାଦେଶୀ କଥାଚିତ୍ର ଢାକା ଡ୍ରିମ୍ସ୍ରେ କାଜି ଅହମ୍ମଦ ଅଭିନୟ କରିଥିଲେ । ତାଙ୍କ ଅଭିନୀତ ଚିରିତ୍ରର ନାମ ଥିଲା ପାରୁଲ୍ । ଏହାପରେ ସେହି ବର୍ଷ ସେ ଢାକା ଆଟାକ୍ ନାମକ ଅନ୍ୟ ଏକ ବଙ୍ଗଳାଦେଶୀ କଥାଚିତ୍ରରେ ଅଭିନୟ କରିଥିଲେ, ଯେଉଁଥିରେ ସେ ସିନ୍ତିଆ ଚରିତ୍ରରେ ଅଭିନୟ କରିଥିଲେ ।
୨୦୧୭ ମସିହାରେ ମୁକ୍ତି ଲାଭ କରିଥିବା କଥାଚିତ୍ର ଭୁବନ ମାଝୀରେ ସେ ସୋନିଆ ଚରିତ୍ରରେ ଅଭିନୟ କରିଥିଲେ ।[୩] ଚନ୍ଦ୍ରାବତୀ କଥା ନାମକ ଅନ୍ୟ ଏକ ବଙ୍ଗଳାଦେଶୀ କଥାଚିତ୍ରରେ କାଜି ଅହମ୍ମଦ ଅଭିନୟ କରିଥିଲେ ।[୪]
ବିଜ୍ଞାପନ
ସମ୍ପାଦନାକାଜି ସସ୍ୱାବ ଅହମ୍ମଦଙ୍କର ପ୍ରଥମେ ବିଜ୍ଞାପନ କାର୍ଯ୍ୟ ଥିଲା ବାଂଲାଲିଙ୍କ୍ର ବିଜ୍ଞାପନରେ । ଏହାପରେ ସେ ଗ୍ରାମୀଣ ଫୋନ୍, ବିବିସି ସଂଲାପ, ନେସକ୍ୟାଫେ, ମ୍ୟାରିଡିୟାନ ଚିପସ ଓ ଟେଲିଟକର ବିଜ୍ଞାପନରେ କାର୍ଯ୍ୟ କରିଥିଲେ ।
ବିବାଦ
ସମ୍ପାଦନା୨୦୧୮ ମସିହା ଅଗଷ୍ଟ ୪ ତାରିଖରେ ବଙ୍ଗଳାଦେଶର ସଡ଼କ ସୁରକ୍ଷା ପାଇଁ ଚାଲିଥିବା ପ୍ରତିବାଦରେ କାଜି ନସ୍ୱାବ ଭୁଲ ତଥ୍ୟ ଚାରିଆଡ଼େ ପ୍ରଚାର କରୁଥିବା ଅଭିଯୋଗରେ ଗିରଫ ହୋଇଥିଲେ । ବଙ୍ଗଳାଦେଶର ଉତ୍ତରରେ ପାଖାପଖି ରାତି ୧୦ଟା ୩୦ ମିନିଟ୍ରେ କାଜି ଅହମ୍ମଦଙ୍କୁ ବଙ୍ଗଳାଦେଶର ରାପିଡ୍ ଆକ୍ସନ୍ ବାଟାଲିଆନ୍ ଗିରଫ କରିଥିଲା ।[୫][୬] କାଜି ନସ୍ୱାବ ଅହମ୍ମଦଙ୍କର ଗିରଫ ପରେ ବଙ୍ଗଳାଦେଶର ରାପିଡ୍ ଆକ୍ସନ୍ ବାଟାଲିଆନ୍ ମତ ଦେଇଥିଲେ କି କାଜି ଅହମ୍ମଦ ତାଙ୍କର ଦୋଷ ସ୍ୱୀକାର କରିଥିଲେ ।[୭] ଗିରଫ ହେବା ପରେ ପ୍ରଥମେ ସେ ପାଞ୍ଚଦିନ କୋର୍ଟ ରିମାଣ୍ଡରେ ଥିଲେ ଏବଂ ପରେ ଆଉ ଦୁଇ ଦିନ ପୋଲିସ୍ ରିମାଣ୍ଡରେ ରହିଥିଲେ ।
ଆଧାର
ସମ୍ପାଦନା- ↑ "The humane side of Nawshaba". The Daily Star.
- ↑ "I prefer being the proverbial turtle, not the rabbit -- Nawshaba". The Daily Star.
- ↑ "Nawshaba signs "Chandrabati Kotha"". The Daily Star.
- ↑ "Nawshaba in four new films". The Daily Star.
- ↑ "RAB arrests actress Nawshaba on charges of spreading rumours to incite violence". Retrieved 2018-08-05.
- ↑ "RAB detains actress Nawshaba". Prothom Alo (in ଇଂରାଜୀ). Retrieved 2018-08-05.
- ↑ "'Nawshaba confesses to spreading rumours'". Prothom Alo (in ଇଂରାଜୀ). Retrieved 2018-08-05.
ଆହୁରି ପଢ଼ନ୍ତୁ
ସମ୍ପାଦନା- "'Let us create public awareness against adulterated, poisonous food,' Nawshaba". The New Nation. 6 November 2014. Archived from the original on 22 September 2022. Retrieved 30 November 2019.
- "Nawshaba to be viewed in European channels". The New Nation. 25 December 2015. Archived from the original on 11 May 2017. Retrieved 30 November 2019.
- "Nawshaba stands for saving the Sundarbans". Dhaka Tribune. 23 August 2016.