ଔରଙ୍ଗାବାଦ ରେଳ ଦୁର୍ଘଟଣା

ଔରଙ୍ଗାବାଦ ରେଳ ଦୁର୍ଘଟଣା ୨୦୨୦ ମେ ୮ ତାରିଖରେ ଏକ ଏକ ଖାଲି ମାଲବାହୀ ରେଳଗାଡ଼ିଦ୍ୱାରା ମହାରାଷ୍ଟ୍ରର ଔରଙ୍ଗାବାଦଠାରେ ଘଟିଥିବା ଏକ ରେଳ ଦୁର୍ଘଟଣା ଅଟେ । ରେଳଗାଡ଼ିଟି ଦୁର୍ଘଟଣାବଶତଃ ପ୍ରବାସୀ ଶ୍ରମିକମାନଙ୍କୁ ରେଳ ଧାରଣା ଉପରେ ଧକ୍କା ଦେଇଥିଲା, ଯଦ୍ଦ୍ୱାରା ୧୬ ଜଣ ଶ୍ରମିକଙ୍କର ମୃତ୍ୟୁ ଘଟିଥିଲା ।

ଔରଙ୍ଗାବାଦ ରେଳ ଦୁର୍ଘଟଣା ୨୦୨୦

ସମୟ	୬ଟା ୩୦ମିନିଟ୍ (ସକାଳ)
ତାରିଖ	୮ ମେ ୨୦୨୦
ଅବସ୍ଥିତି	ଔରଙ୍ଗାବାଦ
ମୃତ୍ୟୁ	୧୬
ଯତବିକ୍ଷତ	୩

ପୃଷ୍ଠଭୂମି

କରୋନାଭୂତାଣୁ ରୋଗ ୨୦୧୯ର ମୁକାବିଲା ପାଇଁ ଭାରତ ସରକାରଦ୍ୱାରା ମାର୍ଚ୍ଚ ୨୪ ତାରିଖରୁ ଦେଶବ୍ୟାପୀ ସଙ୍ଗରୋଧ ଘୋଷଣା କରାଯାଇଥିଲା । ଏହାଫଳରେ ପ୍ରବାସୀ ଶ୍ରମିକମାନେ ନିଜ ଜୀବିକା ହରାଇଥିଲେ । ପୁନଶ୍ଚ ସରକାର ରେଳ ସେବା ବ୍ୟାଘ୍ୟାତ କରାଇଥିବାରୁ ଏହି ଶ୍ରମିକମାନେ ନିଜ ରାଜ୍ୟକୁ ଫେରିପାରିନଥିଲେ । ଏଣୁ ସେମାନେ ଚାଲି ଚାଲି ଘରକୁ ଫେରୁଥିଲେ ।

ଦୁର୍ଘଟଣା

ମହାରାଷ୍ଟ୍ରର ଜଲନାରେ ଥିବା ଏକ ଷ୍ଟିଲ କାରଖାନାରୁ ୨୦ ଜଣିଆ ଏକ ଶ୍ରମିକଙ୍କ ଦଳ ମଧ୍ୟପ୍ରଦେଶର ନିଜ ନିଜ ଜିଲ୍ଲା ଉମରୀଆ ଏବଂ ଶାହଦୋଲକୁ ଫେରୁଥିଲେ । ୪୦ କିଲୋମିଟର ଚାଲି ଚାଲି କ୍ଲାନ୍ତ ହୋଇ ପ୍ରାୟ ସକାଳ ୩.୩୦ ସମୟରେ ବଦନାପୁର ରେଳମାର୍ଗ ପାଖରେ ଶୋଇପଡ଼ିଥିଲେ । ଜାତୀୟ ରାଜପଥରେ ଗଲେ ପୋଲିସ ଅଟକାଇବାର ଭୟ ଥିବାରୁ ଟ୍ରେନ୍ ଲାଇନରେ ସେମାନେ ଚାଲିଥିଲେ ଏବଂ ସଙ୍ଗରୋଧ ସମୟରେ କୌଣସି ରେଳ ଯାତାୟତ କରୁନଥିବାର ସେ ଧାରଣା କରିଥିଲେ ।

ହାଇଦ୍ରାବାଦର ଚେରଲାପଲ୍ଲୀରୁ ମହାରାଷ୍ଟ୍ରର ପାନିୱାଡ଼ା ଅଭିମୁଖେ ଯାଉଥିବା ଖାଲି ମାଲବାହୀ ଟ୍ରେନ କିଛି ଲୋକଙ୍କ ଉପରେ ମାଡିଯାଇଥିଲା । ସେମାନଙ୍କୁ ୧୬୦ କିଲୋମିଟର (୫୨୦ ମାଇଲ) ଦୂରରୁ ଟ୍ରାକ ଉପରେ ଦେଖିବା ପରେ ମାଲ୍‌ଗାଡ଼ିର ଲୋକୋ-ପାଇଲଟ୍ ଟ୍ରେନ୍ ଅଟକାଇବାକୁ ଚେଷ୍ଟା କରିଥିଲେ, କିନ୍ତୁ ୭୦ କିଲୋମିଟର/ଘଣ୍ଟା (୪୩ କିଲୋମିଟର/ଘଣ୍ଟା) ବେଗରେ ଥିବାରୁ ଶେଷରେ ସେମାନଙ୍କୁ ଧକ୍କା ଦେଇଥିଲା । ତେଣୁ ୧୪ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା, ଦୁଇ ଜଣ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ ଏବଂ ୩ ଜଣ କ୍ଷତବିକ୍ଷତ ହୋଇଛନ୍ତି ।