ଓଡ଼ିଶା ହସ୍ତଶିଳ୍ପ ସଂଗ୍ରହାଳୟ

ଓଡ଼ିଶା ହସ୍ତଶିଳ୍ପ ସଂଗ୍ରହାଳୟ ଭୁବନେଶ୍ୱରରେ ଥିବା ଏକ ସଂଗ୍ରହାଳୟ । ଏହି ସଂଗ୍ରହାଳୟଟି କଳାଭୂମି ଭାବେ ଜଣା । ଏହି ସଂଗ୍ରହାଳୟଟି ୨୦୧୮ ମସିହା ମାର୍ଚ୍ଚ ୨୨ ତାରିଖରେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କଦ୍ୱାରା ଉଦଘାଟିତ ହୋଇଥିଲା । କଳାଭୂମିରେ ରାଜ୍ୟବ୍ୟାପୀ ବିଭିନ୍ନ ଅଞ୍ଚଳର ଲୋକକଳା ଏବଂ ହସ୍ତଶିଳ୍ପୀମାନଙ୍କର କୃତି ସ୍ଥାନ ପାଇଛି ।

ଓଡ଼ିଶା ହସ୍ତଶିଳ୍ପ ସଂଗ୍ରହାଳୟ

ଓଡ଼ିଶା ହସ୍ତଶିଳ୍ପ ସଂଗ୍ରହାଳୟର ପ୍ରବେଶଦ୍ୱାର
ସ୍ଥାପିତ	୨୦୧୮
ଅବସ୍ଥାନ	ଗଣ୍ଡମୁଣ୍ଡା, ଭୁବନେଶ୍ୱର, ଭାରତ
ସ୍ୱତ୍ୱାଧିକାରୀ	ଓଡ଼ିଶା ସରକାର
ୱେବସାଇଟ	www.odishacraftsmuseum.com

ଗଣ୍ଡମୁଣ୍ଡାରେ ସ୍ଥାପିତ ଏହି ସଂଗ୍ରହାଳୟଟି ୧୨.୬୮ଏକର ଅଞ୍ଚଳକୁ ନେଇ ବ୍ୟାପ୍ତ । ଏହା ଦୁଇଭାଗରେ ବିଭକ୍ତ: ବୁଲି ଦେଖିବା ଅଞ୍ଚଳ ଏବଂ ପ୍ରଦର୍ଶନୀ ଅଞ୍ଚଳ । ବୁଲି ଦେଖିବା ପାଇଁ ଥିବା ଅଞ୍ଚଳରେ ବିଭିନ୍ନ ହସ୍ତକଳା ଏବଂ ହସ୍ତଶିଳ୍ପ ସଂଗୃହୀତହେଇ ରଖାଯାଇଥିବା ବେଳେ ପ୍ରଦର୍ଶନୀ ଅଞ୍ଚଳମାନଙ୍କରେ ଏକ ମୁକ୍ତାକାଶ ରଙ୍ଗଭୂମି, ପିଲାମାନଙ୍କର ଖେଳିବା ସ୍ଥାନ ଏବଂ କର୍ମଶାଳା ପାଇଁ ସ୍ଥାନସବୁ ରହିଛି । ସଂଗ୍ରହାଳୟ ପ୍ରାଙ୍ଗଣରେ ଏକ ଭୋଜନାଳୟ ଏବଂ ହସ୍ତକର୍ମ ଦୋକାନଟିଏ ରହିଛି ।

ଦର୍ଶନୀୟ ପ୍ରକୋଷ୍ଠ

ସଂଗ୍ରହାଳୟଟିରେ ବୁଲି ଦେଖିବା ପାଇଁ ୧୦ଟି ପ୍ରକୋଷ୍ଠ ଅଛି, ଯେଉଁଥିରୁ ବର୍ତ୍ତମାନ ନିମ୍ନସୂଚିତ ୮ଟି ପ୍ରକୋଷ୍ଠ ଖୋଲା ହୋଇଛି ।

1. ଟେରାକୋଟା
2. ପାରମ୍ପରିକ ଚିତ୍ରକଳା
3. ପଥର ଏବଂ କାଠ ଖୋଦେଇ କଳା
4. ଧାତୁନିର୍ମିତ ହସ୍ତଶିଳ୍ପ ସାମଗ୍ରୀ
5. ପ୍ରାକୃତିକ ହସ୍ତଶିଳ୍ପ
6. ଆଦିବାସୀ ହସ୍ତଶିଳ୍ପ
7. ପ୍ରାକ-ବୟନ ବିଧି
8. ହାତବୁଣା ବସ୍ତ୍ର

ଦେଖିବା ସମୟ

ସୋମବାର ବ୍ୟତୀତ ସପ୍ତାହର ଅନ୍ୟ ସମସ୍ତ ଦିନ ସକାଳ ୧୦ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଓଡ଼ିଶା ହସ୍ତଶିଳ୍ପ ସଂଗ୍ରହାଳୟ ଖୋଲା ରହେ ।

ଚିତ୍ରାବଳୀ

• 
  ମୁଖ୍ୟ ପ୍ରବେଶଦ୍ୱାର ସାମ୍ନାରେ ଥିବା ବୃନ୍ଦାବତୀ ଚଉଁରା
• 
  ପାରମ୍ପରିକ ଶଗଡ଼
• 
  କାଠରେ ନିର୍ମିତ ଚଢ଼େଇ
• 
  ପଥରରେ ଖୋଦିତ କଳିଙ୍ଗ ସ୍ଥାପତ୍ୟର ଏକ ନିଦର୍ଶନ
• 
  ପିପିଲିର ଚାନ୍ଦୁଆ କାମ
• 
  କାଗଜରେ ତିଆରି ଏକ ରାବଣ ମୁଖା
• 
  ପାରମ୍ପରିକ ପଟ୍ଟଚିତ୍ରରେ ଚିତ୍ରିତ ଏକ ଗାଲିଚା
• 
  ରୂପା ତାରକସି ଶୈଳୀରେ ନିର୍ମିତ ଏକ ବୋଇତ
• 
  ପଟ୍ଟଚିତ୍ର ତିଆରି ଶୈଳୀ (କ୍ରମାନ୍ୱୟରେ)
• 
  ମହୁଲୀ ପିଇବା ପାତ୍ର
• 
  ପିପିଲିର ଚାନ୍ଦୁଆ କାମ
• 
  ଘୋଡାନାଚ କଣ୍ଢେଇ
• 
  ଢ଼ାଙ୍କୁଣୀ ଥିବା ବଡ଼ ମାଟିପାତ୍ର