ଉଇକିପିଡ଼ିଆ:ଶିକ୍ଷଣ/Editing
ସହଯୋଗ ସୂଚୀ: ପ୍ରଶ୍ନ · ଉଇକିକୋଡ଼ ଖୋଜା · ଜାଣିବା କଥା · ସାରକଥା ପଢ଼ିବା · ୱେବ ଚାଟ ଜରିଆରେ ସିଧା ସହଯୋଗ · ସହଯୋଗ · ଆଧାର · ଶିକ୍ଷଣ
| ଆରମ୍ଭ | ସମ୍ପାଦନା | ସଜାଡ଼ିବା | ଉଇକିପିଡ଼ିଆର ଲିଙ୍କସବୁ | ଆଧାର ଦେବା | ଆଲୋଚନା ପୃଷ୍ଠା | ଜାଣିବା କଥା | ନୂଆ ଖାତା ଖୋଲିବା | ଶେଷ କଥା |
କେତେକ କିଳାଯାଇଥିବା ପୃଷ୍ଠାକୁ ଛାଡ଼ି ପ୍ରତି ପୃଷ୍ଠାରେ ଏକ "ଏହାକୁ ବଦଳାନ୍ତୁ " ପତି ରହିଛି ଯାହା ଆପଣଙ୍କୁ ସେହି ପୃଷ୍ଠାକୁ ସମ୍ପାଦନା କରିବାରେ ସାହାଯ୍ୟ କରିଥାଏ । ଏହା ଉଇକିପିଡ଼ିଆର ଏକ ସାଧାରଣ ସୁବିଧା ଯାହା ଏକ ପ୍ରସଙ୍ଗରେ ଥିବା ଭୁଲଭଟକାକୁ ସୁଧାରି ତାହାକୁ ଉନ୍ନତ କରିବାରେ ସାହାଯ୍ୟ କରିଥାଏ । ଯଦି ଆପଣ କିଛି ନୂଆ ତଥ୍ୟ ଯୋଗ କରୁଛନ୍ତି ତେବେ ସେଥିରେ ଦୟାକରି ମୂଳ ଆଧାର, ବା ଯେଉଁଠାରୁ ଆପଣ ତଥ୍ୟଟି ଜାଣିବାକୁ ପାଇଛନ୍ତି ତାହା ଉଲ୍ଲେଖ କରନ୍ତୁ, କାରଣ, ଆଧାର ବିନା ଲେଖାଯାଇଥିବା ତଥ୍ୟ ହଟାଇଦିଆଯିବାର ସମ୍ଭାବନା ଥାଏ ।
ଆପଣ ଯେତେବେଳେ ଏକ ପୃଷ୍ଠାରେ କିଛି ବଦଳାନ୍ତି ସମ୍ପାଦନା ସାରକଥା ଘରେ ଆପଣଙ୍କ ସମ୍ପାଦନାର ସମ୍ପାଦନା ସାରକଥାଟିଏ ଲେଖିବା ଉଚିତ (ଏହା ସମ୍ପାଦନା ଘର ତଳେ ପାଇପାରିବେ । ଆପଣଙ୍କ ସମ୍ପାଦନା ସାରକଥାଟି ଅଳ୍ପ ହେଲେ ବି କିଛି ଅସୁବିଧା ନାହିଁ । ଯଥା, ଯଦି ଆପଣ ଏକ ବନାନ ସୁଧାରିଲେ, କେବଳ "ବନାନ" ବୋଲି ସମ୍ପାଦନା ସାରକଥାରେ ଲେଖିଲେ ବି ଚଳିବ ।
ଏଥି ସହିତ ଆପଣ ଦେଖଣା ଉପରେ କ୍ଲିକ କରି ସାଇତିବା ପରେ ଆପଣଙ୍କ ଲେଖାଟି କେମିତି ଦେଖାଯିବ ତାହା ଦେଖିପାରିବେ । ସମ୍ପାଦନା ଶିଖିବା ପାଇଁ ଆପଣ ପରଖ ଘରକୁ ଯାଇ "ଏହାକୁ ବଦଳାନ୍ତୁ" ପତି ଉପରେ କ୍ଲିକ କରନ୍ତୁ । କ୍ଲିକ କଲା ପରେ ତାହା ଏକ ସମ୍ପାଦନା ଘର ଖୋଲିବ ଯେଉଁଠାରେ ଆପଣ ଲେଖା ସବୁ ଦେଖିପାରିବେ । ସେଠାରେ କିଛି ବି ଲେଖି ଦିଅନ୍ତୁ । ଏବେ ଦେଖଣାରେ କ୍ଲିକ କରନ୍ତୁ ଆଉ ଦେଖନ୍ତୁ ଆପଣ କଣ ଲେଖିଛନ୍ତି ।
ସମ୍ପାଦନା ସାରକଥା
ଆପଣ ଉପରେ ଯଦି ପରଖଟିଏ କରିଥାନ୍ତି ତେବେ "ସାଇତିବେ" ରେ କ୍ଲିକ କରି ଲେଖାଟିକୁ ସାଇତିରଖନ୍ତୁ । ଆପଣ ଅନ୍ୟମାନଙ୍କ ବୁଝିବା ଭଳି ଅଳ୍ପଟିକେ "ସମ୍ପାଦନା ସାରକଥା"ରେ ଲେଖିଦିଅନ୍ତୁ; ଯଥା: ପରଖ, ବନାନ ଆଦି ।
ଦେଖଣା
ଆପଣ କିଛି ସମ୍ପାଦନା କଲାପରେ "ଦେଖଣା"ରେ କ୍ଲିକ କରନ୍ତୁ । ଦେଖଣା [Preview] ବଟନଟି ଉପରେ କ୍ଲିକ କଲେ ଆପଣଙ୍କ ଲେଖାଟି ସାଇତିବା ପରେ କେମିତି ଦେଖାଯିବ ତାହା ଦେଖିପାରିବେ ।
ପୃଷ୍ଠାଟି ସାଇତିବେ
ସମ୍ପାଦନା ସାରକଥା ଲେଖା ସାରିବା ପରେ ସାଇତିବେ ଉପରେ କ୍ଲିକ କରନ୍ତୁ ।