ଆନ୍ତର୍ଜାତୀୟ କ୍ରୀତଦାସ ପ୍ରଥା ଉଚ୍ଛେଦ ଦିବସ

ଆନ୍ତର୍ଜାତୀୟ କ୍ରୀତଦାସପ୍ରଥା ଉଚ୍ଛେଦ ଦିବସ ପ୍ରତିବର୍ଷ ଡିସେମ୍ବର ୨ ତାରିଖରେ ସାରା ବିଶ୍ୱରେ ପାଳିତ ହୁଏ । ମିଳିତ ଜାତିସଂଘର ସାଧାରଣ ପରିଷଦଦ୍ୱାରା ମାନ୍ୟତା ପ୍ରାପ୍ତ ଏହା ଏକ ଆନ୍ତର୍ଜାତୀୟ ଦିବସ । ୧୯୮୬ ମସିହାରୁ ଏହି ଦିବସ ପାଳିତ ହୋଇଆସୁଅଛି ।

ମାନବ ଚାଲାଣ ତଥା ବେଶ୍ୟାବୃତ୍ତିଦ୍ୱାରା ଶୋଷଣର ସମାପନ ନିମିତ୍ତ ସମ୍ମେଳନରେ ପାରିତ ଏହି ପ୍ରସ୍ତାବ ମିଳିତ ଜାତିସଂଘର ସାଧାରଣ ପରିଷଦଦ୍ୱାରା ସ୍ୱୀକୃତିପ୍ରାପ୍ତ ହେବା ପରେ ଡିସେମ୍ବର ୨ ତାରିଖକୁ ଆନ୍ତର୍ଜାତୀୟ କ୍ରୀତଦାସପ୍ରଥା ଉଚ୍ଛେଦ ଦିବସ ଭାବେ ପ୍ରତିବର୍ଷ ପାଳନ କରାଯାଉଅଛି । । ଏହା ବାଦ, ମିଳିତ ଜାତିସଂଘର ସାଧାରଣ ପରିଷଦରେ ୧୮ ଡିସେମ୍ବର ୨୦୦୨ରେ ପାରିତ ପ୍ରସ୍ତାବ ସଂଖ୍ୟା ୫୭/୧୯୫ ଅନୁସାରେ ୨୦୦୪ ମସିହାକୁ ଦାସତ୍ୱ ପ୍ରଥାର ଉନ୍ମୂଳନ ନିମିତ୍ତ ସଂଘର୍ଷକୁ ସ୍ମରଣୀୟ କରିବା ଉଦ୍ଦେଶ୍ୟରେ ଆନ୍ତର୍ଜାତୀୟ ବର୍ଷ ଭାବେ ପାଳନ କରାଯାଇଥିଲା ।