ପଞ୍ଚାନନ ସାମଲ

ଚାରୁକଳା ଓ ଭାସ୍କର୍ଯ୍ୟ ଶିଳ୍ପୀ
(Panchanan Samalରୁ ଲେଉଟି ଆସିଛି)

ପଞ୍ଚାନନ ସାମଲ, ଜଣେ ଚାରୁକଳା ଓ ଭାସ୍କର୍ଯ୍ୟ ଶିଳ୍ପୀ । ନିଜ ଚିତ୍ରକଳା ପାଇଁ ସେ ଜୟଦେବ ପୁରସ୍କାର, ଓଡ଼ିଶା ଲଳିତ କଳା ଏକାଡ଼େମୀ ପୁରସ୍କାର ଆଦି ଅନେକ ପୁରସ୍କାର ଲାଭ କରିଛନ୍ତି । ସେ ଓଡ଼ିଶା ଲଳିତ କଳା ଏକାଡ଼େମୀର ସଚିବ ଭାବରେ କାର୍ଯ୍ୟ କରିଛନ୍ତି । ସେ ଧଉଳି ଚାରୁ ଓ କାରୁକଳା ମହାବିଦ୍ୟାଳୟର ଅଧ୍ୟକ୍ଷ ଭାବରେ ମଧ୍ୟ କାର୍ଯ୍ୟ କରିଛନ୍ତି ।

ପଞ୍ଚାନନ ସାମଲ
ଜନ୍ମ ନାଆଁପଞ୍ଚାନନ ସାମଲ
ଜାତୀୟତାଭାରତୀୟ
ପ୍ରଶିକ୍ଷଣସ୍ନାତକୋତ୍ତର (ଇନ୍ଦିରା କଳା ସଙ୍ଗୀତ ବିଶ୍ୱବିଦ୍ୟାଳୟ)
ପୁରସ୍କାରଜୟଦେବ ପୁରସ୍କାର, ଓଡ଼ିଶା ଲଳିତ କଳା ଏକାଡ଼େମୀ ପୁରସ୍କାର ୨୦୦୩

ପ୍ରାରମ୍ଭିକ ଜୀବନ ସମ୍ପାଦନା

ପଞ୍ଚାନନ ବାଲେଶ୍ୱର ଜିଲ୍ଲାର ଭୋଗରାଇ ବ୍ଲକ ଅନ୍ତର୍ଗତ ସରିସା ଗାଁର ବାସିନ୍ଦା । ତାଙ୍କ ପିତାଙ୍କ ନାମ ଥିଲା ତରଣିକାନ୍ତ ସାମଲ ଓ ସେ ଜଣେ ଶିକ୍ଷକ ଥିଲେ । ମାତାଙ୍କ ନାମ ଥିଲା ହରପ୍ରିୟା ସାମଲ । ତାଙ୍କ ପରିବାର ଏକ କଳାପ୍ରିୟ ପରିବାର ଥିଲା ଓ ଏହାର ପ୍ରଭାବ ପଞ୍ଚାନନଙ୍କ ଉପରେ ପିଲାବେଳୁ ପଡ଼ିଥିଲା । ନିଜ ଗ୍ରାମରେ ସେ ୧୦ମ ଓ +୨ ବିଜ୍ଞାନ ପାଠ ପଢିଥିଲେ ।

କଳାକାର ଜୀବନ ସମ୍ପାଦନା

+୨ ବିଜ୍ଞାନ ପାଠ ସମାପ୍ତ କରିବାପରେ ସେ ବିଭୂତି କାନୁନ୍‌ଗୋ ଚାରୁ ଓ କାରୁକଳା ମହାବିଦ୍ୟାଳୟରେ ଚିତ୍ରକଳାର ସ୍ନାତକ ପାଠ୍ୟକ୍ରମରେ ନାମ ଲେଖାଇଥିଲେ । ପରେ ସେ ଇନ୍ଦିରା କଳା ସଙ୍ଗୀତ ବିଶ୍ୱବିଦ୍ୟାଳୟରୁ ଚିତ୍ରକଳାରେ ସ୍ନାତକୋତ୍ତର ଶିକ୍ଷାଲାଭ କରିଥିଲେ । ଭାରତର ବହୁସ୍ଥାନରେ ତାଙ୍କ ଚିତ୍ର ପ୍ରଦର୍ଶନ ହୋଇଛି ।[୧]

ସମ୍ମାନ ଓ ପୁରସ୍କାର ସମ୍ପାଦନା

  • ଜୟଦେବ ପୁରସ୍କାର
  • ଓଡ଼ିଶା ଲଳିତ କଳା ଏକାଡ଼େମୀ ପୁରସ୍କାର - ୨୦୦୩[୨]

ଆଧାର ସମ୍ପାଦନା

  1. "ବ୍ୟକ୍ତିତ୍ୱ". No. ଧରିତ୍ରୀ ଛୁଟିଦିନ ୨୮/୦୫/୨୦୨୩. ଧରିତ୍ରୀ. p. ୬. Retrieved 30 May 2023.
  2. "Odisha Lalit Kala Academy Awards". www.odishalalitkalaakademi.org/. Odisha Lalit Kala Academy. Archived from the original on 30 May 2023. Retrieved 30 May 2023.