ଯୁଗଳ କିଶୋର ଦତ୍ତ(୨୪ ଡିସେମ୍ବର ୧୯୨୮ - ୨୧ ଫେବୃଆରୀ ୨୦୨୦) ଜଣେ କେଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଅନୁବାଦକ ଥିଲେ ।[୧] ସେ ପ୍ରାୟ ୧୫୦ଟି ବଙ୍ଗଳା ଉପନ୍ୟାସକୁ ଓଡ଼ିଆରେ ଅନୁବାଦ କରିଥିଲେ । ଅନୁବାଦ ବ୍ୟତିତ ସେ ମୌଳିକ ସାହିତ୍ୟ ରଚନା ମଧ୍ୟ କରିଥିଲେ । ଗୋଟିଏ ବର୍ଷରେ ଉଭୟ କେନ୍ଦ୍ର ଓ ରାଜ୍ୟ ସାହିତ୍ୟ ଏକାଡେମୀ ଅନୁବାଦ ପୁରସ୍କାର ପାଇବାରେ ସେ ଏକମାତ୍ର ବ୍ୟକ୍ତି ।[୨] ଭୁବନେଶ୍ୱରରେ ପୁସ୍ତକମେଳା ଆୟୋଜନରେ ସେ ମୁଖ୍ୟ ଭୂମିକା ନିର୍ବାହ କରୁଥିଲେ ।[୩]

ଯୁଗଳ କିଶୋର ଦତ୍ତ
ଜନ୍ମ ଓ ଜନ୍ମସ୍ଥାନ୨୪ ଡିସେମ୍ବର ୧୯୨୮(1928-12-24)
ମହେଶ୍ୱରପୁର, ଯାଜପୁର
ମୃତ୍ୟୁ୨୧ ଫେବୃଆରୀ ୨୦୨୦ (୯୧ ବର୍ଷ)
ଘରଭୁବନେଶ୍ୱର
ଜାତୀୟତାଭାରତୀୟ
ନାଗରିକତାଭାରତୀୟ
ଶିକ୍ଷାସ୍ନାତକ
ଜୀବିକାଅନୁବାଦକ
ବାପା ବୋଉନଦୀଆ ଚାନ୍ଦ, କିରଣବାଳା
ପୁରସ୍କାରକେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର, ୧୯୯୭

ଯୁଗଲ କିଶୋର ୧୯୨୮ ମସିହାରେ ଯାଜପୁର ଜିଲ୍ଲାର ମହେଶ୍ୱରପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ନଦୀଆ ଚାନ୍ଦ ଓ ମାତାଙ୍କ ନାମ କିରଣବାଳା ଥିଲା । ସେ ୧୯୪୮ମସିହାରୁ ଲେଖାଲେଖି ଆରମ୍ଭ କରିଥିଲେ । କଲେଜରେ ପଢିବା ସମୟରେ ସେ "ଦିଗନ୍ତ" ପତ୍ରିକା ସମ୍ପାଦକ ମଣ୍ଡଳୀରେ ରହିଥିଲେ ।[୪] ୧୯୫୦ ମସିହାରେ ତାଙ୍କର ପ୍ରଥମ ପୁସ୍ତକ "ଶତାବ୍ଦୀର ପ୍ରେମ" ପ୍ରକାଶ ପାଇଥିଲା । ୧୯୫୧ରେ ପ୍ରକାଶ ପାଇଥିଲା ମାନସୀ । "ଡଗର" ଆଦି ପତ୍ରିକାରେ ତାଙ୍କର ଲେଖା ନିୟମିତ ପ୍ରକାଶ ପାଉଥିଲା । ଭଦ୍ରକରେ ରହିବା ସମୟରେ ସେ "ସାହିତ୍ୟ ଆସର" ନାମରେ ଏକ ସାହିତ୍ୟ ଚର୍ଚ୍ଚା ଗୋଷ୍ଠୀ ଆରମ୍ଭ କରିଥିଲେ । ବଙ୍ଗଳା ଡିଟେକ୍ଟିଭ ଉପନ୍ୟାସ ପଢିବାରେ ତାଙ୍କର ସଉକ ଥିଲା । ଅନୁବାଦକ ଲକ୍ଷ୍ମୀକାନ୍ତ ମହାନ୍ତିଙ୍କଠାରୁ ପ୍ରୋତ୍ସାହନ ପାଇ, ସେ ବଙ୍ଗଳା ଉପନ୍ୟାସର ଓଡ଼ିଆ ଅନୁବାଦ କରିବା ଆରମ୍ଭ କରିଥିଲେ । ବିମଲ ମିତ୍ରଙ୍କର "ଆମେରିକା" ଥିଲା ତାଙ୍କଦ୍ୱାରା ଅନୁବାଦିତ ପ୍ରଥମ ପୁସ୍ତକ । ବିମଲ ମିତ୍ରଙ୍କର ପ୍ରାୟ ସବୁ ପୁସ୍ତକ ସେ ଓଡ଼ିଆରେ ଅନୁବାଦ କରିଛନ୍ତି । ବିମଳଙ୍କ ବ୍ୟତିତ ରବୀନ୍ଦ୍ରନାଥ ଠାକୁର, ଶରତ ଚନ୍ଦ୍ର ଚଟ୍ଟୋପାଧ୍ୟାୟ,ସମରେଶ ମଜୁମଦାର, ଶଙ୍କର, ସୁନୀଲ ଗଙ୍ଗୋପାଧ୍ୟାୟ ଓ ତସଲିମା ନସରିନ ଆଦିଙ୍କ ବଙ୍ଗଳା ପୁସ୍ତକକୁ ସେ ଓଡ଼ିଆରେ ଅନୁବାଦ କରିଛନ୍ତି । [୫] ସେ ସରକାରୀ ଚାକିରି କରିଥିଲେ ଓ ଅବସରପରେ ପୂର୍ଣ୍ଣ ଭାବରେ ସାହିତ୍ୟ ସର୍ଜନାରେ ନିମଗ୍ନ ଥିଲେ ।[୬]

ସାହିତ୍ୟ କୃତିସମ୍ପାଦନ କରନ୍ତୁ

  • ଗଳ୍ପ ସଂକଳନ[୭]
  • ଜନ ଗଣ ମନ
  • ସେଇ ସମୟ - ୧[୮]
  • ଶତାବ୍ଦୀର ପ୍ରେମ
  • ମାନସୀ
  • ଗାଁ ହସେ
  • ନିଶି ବିହଙ୍ଗୀ
  • ଏକାନ୍ତ ସତ୍ୟ
  • ଏଗାରଟି ଅନୁବାଦ ଗଳ୍ପ[୯]

ପୁରସ୍କାର ଓ ସମ୍ମାନସମ୍ପାଦନ କରନ୍ତୁ

  • କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର - ୧୯୯୭(ଆସାମୀ ହାଜିର)[୧୦]
  • ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଅନୁବାଦ) - ୧୯୯୭(ଜନ ଗଣ ମନ)

ଆଧାରସମ୍ପାଦନ କରନ୍ତୁ

  1. Sahitya Akademi (1998). Annual Report. Sahitya Akademi.
  2. "ପରଲୋକରେ ବିଶିଷ୍ଟ ଲେଖକ ତଥା ପ୍ରସିଦ୍ଧ ଅନୁବାଦକ ଯୁଗଳ କିଶୋର ଦତ୍ତ". khabar.odishatv.in/. ଓଡ଼ିଶା ଟିଭି. Retrieved 26 February 2020.
  3. "ସାହିତ୍ୟ ଏକାଡେମି ପୁରସ୍କାର ବିଜେତା ବିଶିଷ୍ଟ ଅନୁବାଦକ ଯୁଗଳ କିଶୋର ଦତ୍ତଙ୍କ ପରଲୋକ". http://sambad.in/. ସମ୍ବାଦ. Retrieved 26 February 2020. External link in |website= (help)
  4. "Senior Writer And Translator Jugal Kishore Dutta Passes Away". kalingatv.com. କଳିଙ୍ଗ ଟିଭି. Retrieved 26 February 2020.
  5. "Reading habit among Oriyas must increase' - Award-winning translator shares experience of his literary career". www.telegraphindia.com. The Telegraph. Retrieved 26 December 2019.
  6. "ଯୁଗଳ କିଶୋର ଦତ୍ତଙ୍କ ପରଲୋକ". sancharlive.in. ସଞ୍ଚାର. Retrieved 26 February 2020.
  7. "Big success for low-price tag ploy". www.telegraphindia.com. The Telegraph. Retrieved 26 December 2019.
  8. http://sahitya-akademi.gov.in/ (PDF). sahitya akademi http://sahitya-akademi.gov.in/publications/odia.pdf. Retrieved 26 December 2019. Missing or empty |title= (help); External link in |website= (help)
  9. Kartik Chandra Dutt (1999). Who's who of Indian Writers, 1999: A-M. Sahitya Akademi. pp. 350–. ISBN 978-81-260-0873-5.
  10. "ODISHA SAHITYA ACADEMY AWARDED BOOKS AND WRITERS" (PDF). Odisha Reference (Annual 2011): 97. Retrieved 26 December 2019.