"ବିଧାନ ପରିଷଦ" ପୃଷ୍ଠାର ସଂସ୍କରଣଗୁଡ଼ିକ ମଧ୍ୟରେ ତଫାତ
DashNistha (ଆଲୋଚନା | ଅବଦାନ) "'''ଵିଧାନ ପରିଷଦ''' ଵା '''ଲେଜିସଲେଟିଵ କାଉନସିଲ''' ହେଉଛି..." ନାଆଁରେ ପୃଷ୍ଠାଟିଏ ତିଆରିକଲେ |
(କିଛି ବଦଳିନାହିଁ)
|
୦୧:୪୨, ୧୦ ସେପ୍ଟେମ୍ବର ୨୦୧୮ ଅନୁସାରେ କରାଯାଇଥିବା ବଦଳ
ଵିଧାନ ପରିଷଦ ଵା ଲେଜିସଲେଟିଵ କାଉନସିଲ ହେଉଛି ଦ୍ବିସଦନୀୟ ଵିଧାନ ମଣ୍ଡଳଦ୍ୱାରା ଵ୍ୟଵସ୍ଥିତ ଭାରତୀୟ ରାଜ୍ୟମାନଙ୍କର ଉପର କକ୍ଷକୁ ବୁଝାଏ । ଭାରତର ସମ୍ବିଧାନ ଧାରା ୧୬୯(୧)ରେ ଵିଧାନ ପରିଷଦ ଗଠନ କରିବାର ଵ୍ୟଵସ୍ଥା ଅଛି । ୨୦୧୮ ସୁଦ୍ଧା ଭାରତର ୨୯ଟି ରାଜ୍ୟ ମଧ୍ୟରୁ ୮ଟି ରାଜ୍ୟର ଵିଧାନ ପରିଷଦ ରହିଛି ।[୧] ସେମାନେ ଆଞ୍ଚଳିକ ସ୍ତରରୁ, ଵିଧାନ ସଭା, ରାଜ୍ୟପାଳ, ସ୍ନାତକଧାରୀ, ଶିକ୍ଷକଆଦିଙ୍କ ଦ୍ୱାରା ନିର୍ବାଚିତ ହୋଇଥାନ୍ତି । ଵିଧାନ ପରିଷଦର କାର୍ଯ୍ୟକାଳ ୬ ବର୍ଷ ଅଟେ । ଏହାର ସଦସ୍ୟମାନଙ୍କୁ ଵିଧାନ ପରିଷଦ ସଦସ୍ୟ ଵା ଏମଏଲସି (MLC) କୁହାଯାଏ ।
ସଦସ୍ୟତା
ପ୍ରତ୍ୟେକ ସଦସ୍ୟଙ୍କ କାର୍ଯ୍ୟକାଳ ୬ ବର୍ଷ । ପ୍ରତି ଦୁଇ ବର୍ଷରେ ସଦନର ଏକ ତୃତୀୟାଂଶ ସଦସ୍ୟଙ୍କ ସଦସ୍ୟତା ସମାପ୍ତ ହୋଇଥାଏ । ଏହି ଵିଧି ଵ୍ୟଵସ୍ଥା ସଂସଦର ଉପର କକ୍ଷରାଜ୍ୟ ସଭାର ସମାନ୍ତରାଳ ଅଟେ ।
ଏମଏଲସି ନିହାତି ଭାଵେ ଭାରତୀୟ ନାଗରିକ ହେବା ସହ ଅନୁନ୍ୟ ୩୦ ଵର୍ଷର ହୋଇଥିବେ । ମାନସିକ ଵିକାରଗ୍ରସ୍ତ ହୋଇନଥିବେ, ଏଵଂ ନିର୍ଵାଚନ ପ୍ରତଦ୍ବନ୍ଦିତା କରୁଥିବା ରାଜ୍ୟର ମତଦାତା ତାଲିକାରେ ଅନ୍ତର୍ଭୁକ୍ତ ଥିବେ । ଏକା ସମୟରେ ସେ ମଧ୍ୟ ଵିଧାନ ସଭାର ସଦସ୍ୟ ନଥିବା ଉଚିତ ।
ଵିଧାନ ପରିଷଦର ସଦସ୍ୟଙ୍କ ସଂଖ୍ୟା ରାଜ୍ୟ ଵିଧାନ ସଭାର ଏକ ତୃତୀୟାଂଶରୁ ଅଧିକ କିମ୍ବା ୪୦ରୁ କମ ହୋଇପାରିବ ନାହିଁ (ଜମ୍ମୁ କାଶ୍ମୀର ଵ୍ୟତିତ, ଯେଉଁଠି ସମ୍ବିଧାନ ନିୟମ ଅନୁଯାୟୀ ୩୬ ସଦସ୍ୟ ଅଛନ୍ତି) ।
ଏମଏଲସିମାନେ ଏହିପରି ଚୟନ ହୋଇଥାନ୍ତି:
- ଏକ ତୃତୀୟାଂଶ ସଦସ୍ୟ - ଆଂଚଳିକ କ୍ଷେତ୍ରରୁ ଯଥା ନଗରପାଳିକା, ଗ୍ରାମ ପଞ୍ଚାୟତ/ଗ୍ରାମ ସଭା, ପଞ୍ଚାୟତ ସମିତି, ଏଵଂ ଜିଲ୍ଲା ପରିଷଦ ।
- ଏକ ତୃତୀୟାଂଶ ସଦସ୍ୟ - ରାଜ୍ୟର ଵିଧାନ ସଭା ସଦସ୍ୟଙ୍କ ଦ୍ୱାରା ଯେଉଁମାନେ ଵିଧାନ ସଭାର ସଦସ୍ୟ ନୁହଁନ୍ତି ।
- ଏକ ଷଷ୍ଠାଂଶ ସଦସ୍ୟ - ରାଜ୍ୟପାଳଙ୍କ ଦ୍ୱାରା ମନୋନୀତ ହୋଇଥାନ୍ତି ଯେଉଁମାନେ ସାହିତ୍ୟ, ଵିଜ୍ଞାନ, କଳା, ସମବାୟ ଆନ୍ଦୋଳନ ଏଵଂ ସମାଜ ସେଵା କ୍ଷେତ୍ରରେ ଅଭିଜ୍ଞତା ରଖିଛନ୍ତି ।
- ଏକ ଦ୍ବାଦଶାଂଶ ସଦସ୍ୟ - ରାଜ୍ୟରେ ଅନୁନ୍ୟ ୩ ଵର୍ଷ ଧରି ଵସଵାସ କରୁଥିବା ସ୍ନାତକଧାରୀଙ୍କ ଦ୍ଵାରା
- ଏକ ଦ୍ବାଦଶାଂଶ ସଦସ୍ୟ - ରାଜ୍ୟର ଶିକ୍ଷା ଅନୁଷ୍ଠାନମାନଙ୍କରେ ଅନୁନ୍ୟ ୩ ଵର୍ଷରୁ ଶିକ୍ଷକତା କରୁଥିବା ଵ୍ୟକ୍ତି, ଉଚ୍ଚ ଵିଦ୍ୟାଳୟ, ମହାଵିଦ୍ୟାଳୟ ଏଵଂ ଵିଶ୍ୱ ଵିଦ୍ୟାଳୟ ସ୍ତରରୁ କମ ହୋଇନଥିବେ ।
ଚଳନ୍ତି ଵିଧାନ ପରିଷଦ
- ଆନ୍ଧ୍ର ପ୍ରଦେଶ ଵିଧାନ ପରିଷଦ
- ବିହାର ଵିଧାନ ପରିଷଦ
- ଜାମ୍ମୁ ଏବଂ କାଶ୍ମୀର ଵିଧାନ ପରିଷଦ
- କର୍ଣ୍ଣାଟକ ଵିଧାନ ପରିଷଦ
- ମହାରାଷ୍ଟ୍ର ଵିଧାନ ପରିଷଦ
- ତେଲେଙ୍ଗାନା ଵିଧାନ ପରିଷଦ
- ଉତ୍ତର ପ୍ରଦେଶ ଵିଧାନ ପରିଷଦ
- ଓଡ଼ିଶା ଵିଧାନ ପରିଷଦ
ଭାରତର ପ୍ରସ୍ତାଵିତ ଵିଧାନ ପରିଷଦମାନ
ଵିଧାନ ପରିଷଦ ଗଠନ ରାଜନୈତିକ ବାଦଵିବାଦ ରହିତ ବୋଲି ପ୍ରମାଣିତ ହୋଇଛି । କିଛି ସଂଖ୍ୟକ ରାଜ୍ୟ ଏହାକୁ ଗଠନ କରି ପୁଣି ଭାଙ୍ଗି ଦେଇଛନ୍ତି । ଏହାର ପୁନଃଗଠନ ପାଇଁ ସଂସଦର ସୁନିଶ୍ଚିତତା ଲୋଡ଼ା ।
- ମଧ୍ୟ ପ୍ରଦେଶ ଵିଧାନ ପରିଷଦକୁ ଭାଙ୍ଗି ଦିଆଯାଇଛି ।
- ଆସାମ ଵିଧାନ ପରିଷଦକୁ ଭାଙ୍ଗିଦିଆଯାଇଛି ।
- ପଶ୍ଚିମ ବଙ୍ଗ ଵିଧାନ ପରିଷଦକୁ ଭାଙ୍ଗିଦିଆଯାଇଛି ଏଵଂ ପୁନଃଗଠନ କରିବାପାଇଁ ଇଛା ରଖାଯାଇଇଛି ।
- ତାମିଲନାଡ଼ୁ ଵିଧାନ ପରିଷଦକୁ ଭାଙ୍ଗିଦିଆଯାଇଛି ଏଵଂ ପୁନଃଗଠନପାଇଁ ଇଚ୍ଛା ରଖାଯାଇଅଛି ।
- ପଞ୍ଜାବ ଵିଧାନ ପରିଷଦକୁ ଭାଙ୍ଗିଦିଆଯାଇଛି ଏଵଂ ପୁନଃଗଠନପାଇଁ ଇଚ୍ଛା ରଖାଯାଇଛି ।