"ସାରଙ୍ଗଧର ଦାସ" ପୃଷ୍ଠାର ସଂସ୍କରଣ‌ଗୁଡ଼ିକ ମଧ୍ୟରେ ତଫାତ

ସେତେବେଳେ ଓଡିଶା କଂଗ୍ରେସ୍ କମିଟି ତରଫରୁ ବିଧାନସଭା ଲାଗି ପ୍ରାର୍ଥୀ ମନୋନୟନ ଦାୟିତ୍ବ ଡକ୍ଟର ହରେକୃଷ୍ଣ ମହତାବ ,ନବକୃଷ୍ଣ ଚୌଧୁରୀ ଏବଂ ବାଂକବିହାରୀ ଦାସଂକ ଉପରେ ନ୍ୟସ୍ତ ଥିଲା |କମର୍ସ୍ କନଷ୍ଟିଚ୍ବେନ୍ସି ବା ବ୍ୟବସାୟୀ ନିର୍ବାଚନ ମଣ୍ଡଳୀରୁ ସେମାନେ ତିନିଜଣ ସ୍ଥିର କରିଥିଲେ ଯେ ,ଯୁବନେତା ସୁରଜମଲ୍ଲ ଶାହାଂକୁ କଂଗ୍ରେସ୍ ତରଫରୁ ପ୍ରାର୍ଥୀ କରାଯିବ | କାରଣ ସେ ଉଚ୍ଚଶିକ୍ଷିତ ଏବଂ ଜଣେ ସ୍ବାଧିନତା ସଂଗ୍ରାମୀ ଥିଲେ |କିନ୍ତୁ ମହତାବ -ଚୌଧୁରୀ -ଦାସ ତ୍ରିମୁର୍ତ୍ତୀ ଉତ୍କଳ କଂଗ୍ରେସ ପ୍ରାର୍ଥୀ ତାଲିକା ଚୂଡାନ୍ତ କରିବା ପୁର୍ବରୁ କଂଗ୍ରେସ ପାର୍ଲିଆମେଣ୍ଟାରୀ ବୋର୍ଡ୍ ର ଅଧ୍ୟକ୍ଷ ସର୍ଦ୍ଦାର୍ ବଲ୍ଲଭଭାଇ ପଟେଲଂକ ପାଖରୁ ଗୋଟିଏ ରେଜିଷ୍ଟ୍ରି ଚିଠି ଡକ୍ଟର୍ ମହାତାବଂକ ନାମରେ ଆସି କଂଗ୍ରେସ୍ ଅଫିସ୍ ରେ ପହଂଚିଲା |ସେ ଚିଠି ଖୋଲା ଗଲା ପରେ ଦେଖାଗଲା ,ସେଥିରେ ଦଶ ହଜାର ଟଂକା ର ଏକ ଚେକ୍ ଏବଂ ମହାତାବଂକ ପାଖକୁ ସର୍ଦ୍ଦାର୍ ପଟେଲଂକର ଖଣ୍ଡେ ଚିଠି ଅଛି |ସେ ଚିଠିରେ ଲେଖାଥିଲା ଯେ ,ଏ ଦଶ ହଜାର ଟଂକା ହେଉଛି ଶିଳ୍ପପତି ବିରଳା ବ୍ରଦର୍ସ୍ଂକର ଓଡିଶା କଂଗ୍ରେସକୁ ନିର୍ବାଚନ ଚାନ୍ଦା |ଏ ଚାନ୍ଦା ସହିତ ଓଡିଶାର କମର୍ସ୍ ସିଟରୁ ବିରଳା ବ୍ରଦର୍ସଂକ ଜି .ଡି .ଥିରାନୀନ୍କୁ ପ୍ରାର୍ଥୀ ମନୋନୟନ କରିବାକୁ ମଧ୍ୟ ଥିଲା ପରାମର୍ଶ |ଜି.ଡି .ଥିରାନୀ ସେତେବେଳେ ବ୍ରଜରାଜ ନଗର ଓରିଏଂଟ୍ କାଗଜକଳ ପରିଚାଳକ |ବିରଳା ବ୍ରଦର୍ସ୍ ଥିଲେ ଏହି କାଗଜ କଳର ମାଲିକ |ଧିରେ ଧିରେ କଂଗ୍ରେସ୍ ଯେ ରାଜା ,ଜମିଦାର୍ ,ଶିଳ୍ପପତିମାନଂକ ସ୍ବାର୍ଥ ପାଖରେ ବନ୍ଧା ପଡିଯାଉଛି ଅନୁଭବ କରୁଥିଲେ ସାରଂଗଧର |ସେ ଅନୁଭବ କଲେ ଯେ,ବିଧାନସଭାରେ ବିଧାୟକ ଥାଇ ମଧ୍ୟ ଶୋଷିତ ,ଅତ୍ୟାଚାରିତ ପ୍ରଜାମାନଂକ ସ୍ବାର୍ଥରକ୍ଷା ପାଇଁ କୌଣସି ଆଇନ୍ କରିପାରୁନାହାନ୍ତି | ବରଂ ତାଂକର ତୀବ୍ର ବିରୋଧ ସତ୍ତ୍ବେ ତାଂକ ନିର୍ବାଚନ ମଣ୍ଡଳୀ ଅନ୍ତର୍ଗତ ହରିଶପୁର୍ ଜଂଗଲ୍ କାଟି ପଦା କରିଦିଆଗଲା |କାରଣ କାଠ ତସ୍କର ମାନଂକ ସହିତ ସ୍ଥାନୀୟ କିଛି କଂଗ୍ରେସ୍ ଲୋକଂକ ସଲାସୁତୁରା ଥିଲା |