ଡନ୍ (୨୦୦୬ର ହିନ୍ଦୀ କଥାଚିତ୍ର)

୨୦୦୬ର ହିନ୍ଦୀ କଥାଚିତ୍ର


ଡନ୍ କିମ୍ବା Don: The Chase Begins Again ହେଉଛି ୨୦୦୬ ମସିହାରେ ମୁକ୍ତିଲାଭ କରିଥିବା ଏକ ହିନ୍ଦୀ ଚଳଚ୍ଚିତ୍ର ଯାହାକି ମୂଳ ହିନ୍ଦୀ କଥାଚିତ୍ର ଡନ୍‌ର ଉତ୍ତର କଥା ଚଳଚ୍ଚିତ୍ର (sequel) [୨]। ଚଳଚ୍ଚିତ୍ରର ମୁଖ୍ୟ ଭୁମିକାରେ ଅଭିନୟ କରିଛନ୍ତି ସାହାରୁଖ ଖାଁ, ପ୍ରିୟଙ୍କା ଚୋପ୍ରା, ଅର୍ଜୁନ ରାମପାଳ, ବୋମାନ ଇରାନୀ, ଓମ ପୁରୀ ଇତ୍ୟାଦି । ଚଳଚ୍ଚିତ୍ରର ଚିତ୍ରନାଟ୍ୟ ନିର୍ଦ୍ଦେଶକ ହେଉଛନ୍ତି ଫରହାନ ଅଖତର ଏବଂ ପ୍ରଯୋଜକ ହେଉଛନ୍ତି ଫରହାନ ଅଖତରରିତେଶ ସିଧ୍ୱାନୀ[୩]

ଡନ୍
ନିର୍ଦ୍ଦେଶକଫରହାନ ଅଖତର
ପ୍ରଯୋଜକଫରହାନ ଅଖତର, ରିତେଶ ସିଧ୍ୱାନୀ
ଚିତ୍ରନାଟ୍ୟଜାଭେଦ ଅଖତର, ଫରହାନ ଅଖତର
କଳାକାରସାହାରୁଖ ଖାଁ, ପ୍ରିୟଙ୍କା ଚୋପ୍ରା, ଅର୍ଜୁନ ରାମପାଳ, ବୋମାନ ଇରାନୀ, ଓମ ପୁରୀ[୧]
ସଙ୍ଗୀତଶଙ୍କର- ଏହେସନ୍- ଲୟ
ଚିତ୍ରଗ୍ରହଣକେ ୟୁ ମୋହନନ୍
ସମ୍ପାଦକଆନନ୍ଦ ସୁବେୟା
ବିତରକଇରୋସ ଇଣ୍ଟରନେସନେଲ
ମୁକ୍ତିଲାଭ ତାରିଖ
୨୦ ଅକ୍ଟୋବର ୨୦୦୬
କଥାଚିତ୍ରର ସମୟ
୧୬୯ ମିନିଟ
ଦେଶ ଭାରତ
ଭାଷାହିନ୍ଦୀ

କାହାଣୀ ସମ୍ପାଦନା

କୁଆଲାଲୁମ୍ପୁର (ମାଳୟେସିଆ)ରେ ବୃଦ୍ଧି ପାଉଥିବା ଡ୍ରଗ କାରବାରକୁ ବନ୍ଦ କରିବା ଉଦ୍ଦେଶ୍ୟରେ ଡେପୁଟି କମିଶନର ଡି ସିଲଭାଙ୍କ ( ବୋମନ ଇରାନୀ ଅଭିନୀତ ) ନେତୃତ୍ୱରେ ଏକ ପୋଲିସ ଦଳ ସହରକୁ ଅଭିମୁଖେ ଯାଆନ୍ତି । ଡ୍ରଗ କାରବାର ବନ୍ଦ କରିବା ସହ ଡ୍ରଗ ମାଫିଆ ସିଂଘାଣିଆର ମେନେଜର ଡନ (ସାହାରୁଖ ଅଭିନୀତ)କୁ ଧରିବା ଥିଲା ଲକ୍ଷ୍ୟ । ଆନ୍ତ ରାଜ୍ୟ ଡ୍ରଗ ମାଫିଆ ବୋରିସ ଦୁଇ ସହଯୋଗୀ ମଧ୍ୟରୁ ସିଂଘାଣୀଆ ଅନ୍ୟତମ । ଅନ୍ୟ ଜଣକ ହେଉଛନ୍ତି ବର୍ଦ୍ଧନ ।

ଡନ୍‌ର ଅନ୍ୟତମ ଘନିଷ୍ଠ ସହଯୋଗୀ ରମେଶର (ଦିବାକର ପୁନ୍ଦିର ଅଭିନୀତ) ଦଳ ଛାଡିବା ନିଷ୍ପତିରେ ରାଗିଯାଇ ଡନ୍‌ ତାର ହତ୍ୟା କରିଦିଏ । ଏ ଘଟଣା ପରେ ରମେଶର ବାଗଦତ୍ତା(ପ୍ରେମିକା) କାମିନୀ (କରୀନା କାପୁର ଅଭିନୀତ) ରମେଶକୁ ଧରିବାରେ ପୋଲିସର ସହାୟତା କରେ । ହେଲେ ଡନ୍‌ ତାକୁ ବି ହତ୍ୟା କରିଦିଏ । ଏସବୁ ଦେଖି ରୋମା (ପ୍ରିୟଙ୍କା ଚୋପ୍ରା ଅଭିନୀତ), ଯିଏକି ରମେଶର ଭଉଣୀ, ପ୍ରତିଶୋଧ ପରାୟଣ ହୋଇଉଠେ ଏବଂ ନିଜ ପରିଚୟ ଗୋପନ କରି ଡନ୍‌ର ଦଳରେ ଯୋଗଦିଏ ।

ଘଟଣା ଚକ୍ରରେ ଡନ୍ ପୋଲିସଦ୍ୱାରା କ୍ଷତାକ୍ତ ହୋଇ ସଜ୍ଞାହୀନ ଅବସ୍ଥାରେ ଶଯ୍ୟାଶାୟୀ ହୁଏ । ଡି ସିଲଭା ଏହି ସମୟରେ ଡନ୍‌ର ଚେହେରା ସହିତ ଅବିକଳ ମିଶୁଥିବା ଏକ ବ୍ୟକ୍ତି (ବିଜୟ) ସହ (ସାହାରୁଖ ଖାଁଙ୍କ ଦ୍ୱୈତ ଅଭିନୟ) ଭେଟ ହୁଏ । ସେ ଏହି ସର୍ତ୍ତରେ ବିଜୟକୁ ନିଜ ମିଶନରେ ସାମିଲ କରିନିଅନ୍ତି ଯେ ବିଜୟ ପାଖରେ ଥିବା ଏକ ବାଳକ ଦୀପୁର ସେ ସ୍କୁଲରେ ନାମ ଲେଖାଇଦେବେ ଏବଂ ତାର ପଢାଖର୍ଚ୍ଚ ବହନ କରିବେ । ଇତି ମଧ୍ୟରେ ଦୀପୁର ବାପା ଜସଜିତ (ଅର୍ଜୁନ ରାମପାଳ ଅଭିନୀତ) ଜେଲରୁ ମୁକୁଳି ଆସନ୍ତି । ତେବେ ସେ ତାଙ୍କ ସ୍ତ୍ରୀର ମୃତ୍ୟୁ ପାଇଁ ଡି ସିଲଭାକୁ ଦାୟୀ କରି ତାକୁ ହତ୍ୟା କରିବାକୁ ଯୋଜନା ଆରମ୍ଭ କରିଦିଅନ୍ତି ।

ଅସଲ ଡନ ମରିଯାଏ ହେଲେ ନକଲି ଡନ ବିଜୟ ଦଳରେ ଡନ୍‌ ନାମରେ ରହି ଡ୍ରଗ ମାଫିଆର ସମସ୍ତ ତଥ୍ୟ ହାସଲ କରିବାକୁ ଚେଷ୍ଟା କରେ । ରୋମା ସହ ନକଲି ଡନର ଶତ୍ରୁତା ଏପରି ହୁଏ ଯେ ରୋମା ତାକୁ ମାରି ଦେବାକୁ ଚେଷ୍ଟା କରେ । ହେଲେ ଠିକ ସମୟରେ ଡି ସିଲଭା ହସ୍ତକ୍ଷେପ କରି ନକଲି ଡନ ବିଷୟରେ ସବୁ କିଛି କହି ଏହି ମିଶନରେ ସାହାଯ୍ୟ କରିବାକୁ କୁହେ । ରୋମା ରାଜି ହେବାପରେ କାହାଣୀର ଦୃଶ୍ୟପଟ୍ଟ ବଦଳୀଯାଏ ।

ପୋଲିସ ସହ ଗୁଳିବିନିମୟରେ ସିଂଘାଣୀଆ ସହ ଡି ସିଲଭାର ମଧ୍ୟ ମୃତ୍ୟୁ ହୁଏ । ନକଲି ଡନର ଅସଲ ପରିଚୟ ଜାଣିବା ପରେ ଡନର ସମସ୍ତ ସହଯୋଗୀ ବିଜୟର ଶତ୍ରୁ ପାଲଟି ଯାଆନ୍ତି । ରୋମା ସହ ମିଶି ବିଜୟ ନିଜର ଅସଲ ପରିଚୟ ଏବଂ ତାର ନିର୍ଦୋଷତା ପ୍ରମାଣିତ କରିବାକୁ ଚେଷ୍ଟା କରେ ।

ଏହି ସସପେନ୍ସ ଭରା କାହାଣୀରେ ପରେ ପରେ ଦର୍ଶକ ଦେଖନ୍ତି ଯେ ନକଲି ଡନ୍ ବାସ୍ତବରେ ମରିଯାଇଛି ଏବଂ ଅସଲି ଡନ ହିଁ ନିଜର ପରିଚୟ ଗୋପନ ରଖି କାହାଣୀକୁ ଅଧିକ ରୋଚକ ଆଉ ଦ୍ୱିଧାଯୁକ୍ତ କରିଦେଇଛି । ବିଜୟ ସହ ରୋମାର ପ୍ରେମ ହୋଇଛି ଏବଂ ଡନ ନିର୍ଦ୍ଦୋଷ ପ୍ରମାଣିତ ହୋଇଛି ।

କଣ୍ଠଶିଳ୍ପୀ ସମ୍ପାଦନା

ଗୀତ କଣ୍ଠଶିଳ୍ପୀ ଅବଧୀ
ମେ ହୁଁ ଡନ୍ ଶାନ ୫ ମିନିଟ ୩୦ ସେକେଣ୍ଡ
ୟେ ମେରା ଦିଲ ସୁନିଧୀ ଚୌହାନ ୪ ମିନିଟ ୩୯ ସେକେଣ୍ଡ
ମୌର୍ଯ୍ୟାରେ ଶଙ୍କର ମହାଦେବନ୍, ୫ ମିନିଟ ୫୨ ସେକେଣ୍ଡ
ଖାଇକେ ପାନ ବନାରସ ୱାଲା[୪] ଉଦିତ ନାରାୟଣ, ସାହାରୁଖ ଖାନ ୫ ମିନିଟ ୨୪ ସେକେଣ୍ଡ
ଆଜ କି ରାତ ଅଲିଶା ଚିନୟ, ସୋନୁ ନିଗମ, ମହାଲକ୍ଷ୍ମି ଆୟାର ୬ ମିନିଟ ୦୮ ସେକେଣ୍ଡ
ଡନ୍-ଥିମ୍ ସଂଗୀତ ସାହାରୁଖ ଖାନ ୪ ମିନିଟ ୦୭ ସେକେଣ୍ଡ
ମେଁ ହୁଁ ଡନ୍ ଶାନ ୫ ମିନିଟ ୧୩ ସେକେଣ୍ଡ

ପୁରସ୍କାର ଓ ସମ୍ମାନ ସମ୍ପାଦନା

  • Neuchâtel International Fantastic Film Festival (NIFFF)(ଶ୍ରେଷ୍ଠ ଏସୀୟ ଚଳଚ୍ଚିତ୍ର)
  • ଶ୍ରେଷ୍ଠ ଚଳଚ୍ଚିତ୍ର, ଶ୍ରେଷ୍ଠ ଅଭିନେତା, ଶ୍ରେଷ୍ଠ କଳା ନିର୍ଦ୍ଦେଶନା, ଶ୍ରେଷ୍ଠ ନୃତ୍ୟ ନିର୍ଦ୍ଦୈଶନା ଶ୍ରେଣୀରେ--ଫିଲ୍ମ୍‌ଫେୟାର ଆୱାର୍ଡ ପାଇଁ ମନୋନୀତ
  • ସାହାରୁଖ ଖାଁ---Asian Film Awards (ଶ୍ରେଷ୍ଠ ଅଭିନେତା) ମନୋନୀତ
  • ଆଇଫା ଆୱାର୍ଡ --ଶ୍ରେଷ୍ଠ ଅଭିନେତା- ସାହାରୁଖ ଖାନ

ଆଧାର ସମ୍ପାଦନା

  1. "Don- The chase begins again". Archived from the original on 23 December 2016. Retrieved 25 May 2018.{{cite web}}: CS1 maint: bot: original URL status unknown (link)
  2. "DON (2006)". Archived from the original on 31 January 2017. Retrieved 25 May 2018.{{cite web}}: CS1 maint: bot: original URL status unknown (link)
  3. [https://web.archive.org/web/20080518190612/http://www.indiafm.com/news/2006/02/27/6750/index.html "Farhan Akhtar�s Don heads towards Paris"]. Archived from the original on 18 May 2008. Retrieved 25 May 2018. {{cite web}}: replacement character in |title= at position 14 (help)CS1 maint: bot: original URL status unknown (link)
  4. "SRK, Priyanka and Saroj Khan set to shoot Paan Banaras Wala". Archived from the original on 20 July 2006. Retrieved 25 May 2018.{{cite web}}: CS1 maint: bot: original URL status unknown (link)

ବାହାର ଆଧାର ସମ୍ପାଦନା

  • ଇଣ୍ଟରନେଟ ମୁଭି ଡାଟାବେସରେ ଡନ୍