ଅମଲା ଶଙ୍କର
ଅମଲା ଶଙ୍କର (ଅମଲା ନନ୍ଦୀ: ୨୭ ଜୁନ ୧୯୧୯ - ୨୪ ଜୁଲାଇ ୨୦୨୦)[୧] ଜଣେ ଭାରତୀୟ ନର୍ତ୍ତକୀ ଥିଲେ ।[୨] ସେ ନୃତ୍ୟଶିଳ୍ପୀ ତଥା କୋରିଓଗ୍ରାଫର ଉଦୟ ଶଙ୍କରଙ୍କ ପତ୍ନୀ, ସଂଗୀତଜ୍ଞ ଆନନ୍ଦ ଶଙ୍କର ଏବଂ ନୃତ୍ୟଶିଳ୍ପୀ ମମତା ଶଙ୍କରଙ୍କ ମା' ଏବଂ ସଙ୍ଗୀତକାର ତଥା ରଚନାକାର ରବି ଶଙ୍କରଙ୍କ ବୋହୂ ଥିଲେ ।[୩][୪] ସ୍ୱାମୀ ଉଦୟ ଶଙ୍କରଙ୍କଦ୍ୱାରା ଲିଖିତ, ପ୍ରଯୋଜିତ ତଥା ନିର୍ଦ୍ଦେଶିତ ଫିଲ୍ମ କଳ୍ପନା ଚଳଚ୍ଚିତ୍ରରେ ଅମଲା ଶଙ୍କର ଅଭିନୟ କରିଥିଲେ । ସେ ୨୪ ଜୁଲାଇ ୨୦୨୦ ମସିହା ଶୁକ୍ରବାର ଦିନ ପଶ୍ଚିମବଙ୍ଗର କୋଲକାତା, ଭାରତରେ ୧୦୧ ବର୍ଷ ବୟସରେ ମୃତ୍ୟୁବରଣ କରିଛନ୍ତି ।[୫]
ଅମଲା ଶଙ୍କର | |
|---|---|
 2011ରେ ଶଙ୍କର | |
| ଜନ୍ମ | ଅମଲା ନନ୍ଦୀ ୨୭ ଜୁନ ୧୯୧୯ |
| ମୃତ୍ୟୁ | ୨୪ ଜୁଲାଇ ୨୦୨୦ (ବୟସ ୧୦୧) |
| ଜାତୀୟତା | ଭାରତୀୟ |
| ସକ୍ରିୟ ବର୍ଷ | ୧୯୪୮ |
| ବୈବାହିକ-ସାଥୀ | ଉଦୟ ଶଙ୍କର |
| ସନ୍ତାନ | ଆନନ୍ଦ ଶଙ୍କର, ମମତା ଶଙ୍କର |
| ପିତାମାତା | ଅଖୟୋ କୁମାର ନନ୍ଦୀ (ପିତା) |
ଜୀବନୀ ସମ୍ପାଦନା
ଅମଲା ଶଙ୍କର ଅମଲା ନନ୍ଦୀ ଭାବରେ ୨୭ ଜୁନ ୧୯୧୯ରେ ମାଗୁରା ଜିଲ୍ଲାର ବାଟାଜୋର ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଅଖୟୋ କୁମାର ନନ୍ଦୀ ଚାହୁଁଥିଲେ ଯେ ତାଙ୍କ ପିଲାମାନେ ପ୍ରକୃତି ଏବଂ ଗ୍ରାମ ପ୍ରତି ଆଗ୍ରହ ପ୍ରକାଶ କରନ୍ତୁ ।[୬] ୧୯୩୧ ମସିହାରେ, ଯେତେବେଳେ ତାଙ୍କୁ ୧୧ ବର୍ଷ ହୋଇଥିଲା, ସେ ପ୍ୟାରିସରେ ଆନ୍ତର୍ଜାତୀୟ କଲୋନୀ ପ୍ରଦର୍ଶନୀକୁ ଯାଇଥିଲେ । ସେଠାରେ ସେ ଉଦୟ ଶଙ୍କର ଏବଂ ତାଙ୍କ ପରିବାରଙ୍କୁ ଭେଟିଥିଲେ । ସେହି ସମୟରେ ଅମଲା ଏକ ଫ୍ରକ୍ ପିନ୍ଧିଥିଲେ । ଉଦୟ ଶଙ୍କରଙ୍କ ମାତା ହେମାଙ୍ଗିନୀ ଦେବୀ ତାଙ୍କୁ ପିନ୍ଧିବାକୁ ଏକ ଶାଢ଼ୀ ଦେଇଥିଲେ । ସେ ଉଦୟ ଶଙ୍କରଙ୍କ ଡ୍ୟାନ୍ସ ଦଳରେ ଯୋଗ ଦେଇ ସାରା ବିଶ୍ୱରେ ଅଭିନୟ କରିଥିଲେ ।
୧୯୩୯ ମସିହାରେ ଯେତେବେଳେ ସେ ଉଦୟ ଶଙ୍କରଙ୍କ ନୃତ୍ୟ ଦଳ ସହିତ ଚେନ୍ନାଇରେ ରହୁଥିଲେ, ଦିନେ ରାତିରେ ଉଦୟ ଅମଲାଙ୍କୁ ଆସି ବିବାହ ପ୍ରସ୍ତାବ ଦେଇଥିଲେ ।[୭] ଉଦୟ ଶଙ୍କର ୧୯୪୨ ମସିହାରେ ଅମଲାଙ୍କୁ ବିବାହ କରିଥିଲେ ।[୭] ସେମାନଙ୍କର ପ୍ରଥମ ପୁତ୍ର ଆନନ୍ଦ ଶଙ୍କର ଡିସେମ୍ବର ୧୯୪୨ରେ ଜନ୍ମଗ୍ରହଣ କରିଥିଲେ ।[୮] ସେମାନଙ୍କର ଝିଅ ମମତା ଶଙ୍କର ଜାନୁଆରୀ ୧୯୫୫ରେ ଜନ୍ମଗ୍ରହଣ କରିଥିଲେ ।[୯] ଉଦୟ ଶଙ୍କର ଏବଂ ଅମଲା ଶଙ୍କର ଦୀର୍ଘ ସମୟ ଧରି ଏକ ଲୋକପ୍ରିୟ ନୃତ୍ୟ ଦମ୍ପତି ଥିଲେ । କିନ୍ତୁ, ପରେ ଉଦୟ ଶଙ୍କର ତାଙ୍କ ନୃତ୍ୟଦଳର ଜଣେ ଯୁବତୀ ସହିତ ରୋମାଣ୍ଟିକ ଭାବରେ ଜଡ଼ିତ ହୋଇଥିଲେ । ଉଦୟ ଶଙ୍କର ୧୯୭୭ ମସିହାରେ ମୃତ୍ୟୁ ବରଣ କରିଥିଲେ । ଗତ କିଛି ବର୍ଷ ମଧ୍ୟରେ ଏହି ଦମ୍ପତି ଅଲଗା ରହୁଥିଲେ । ୨୦୧୨ ସୁଦ୍ଧା ଅମଲା ଶଙ୍କର ସକ୍ରିୟ ଥିଲେ ଏବଂ ତାଙ୍କ ଝିଅ ମମତା ଏବଂ ବୋହୂ ତନୁଶ୍ରୀ ଶଙ୍କରଙ୍କ ସହ ଶଙ୍କର ଘରାନାକି ଜୀବନ୍ତ ରଖିଥିଲେ । ସେ ରବି ଶଙ୍କରଙ୍କ ବୋହୂ ଥିଲେ, ଯିଏ ଜଣେ ସୀତାରବାଦକ ଥିଲେ ।[୧୦] ନବେ ଦଶକ ପର୍ଯ୍ୟନ୍ତ ସକ୍ରିୟ ରହି ତାଙ୍କର ଶେଷ ଅଭିନୟ ଥିଲା ୯୨ ବର୍ଷ ବୟସରେ ନୃତ୍ୟ ଡ୍ରାମା ସୀତା ସ୍ୱୟମ୍ବରମ, ଯେଉଁଥିରେ ସେ ରାଜା ଜନକ ଭୂମିକାରେ ଅଭିନୟ କରିଥିଲେ ।[୧୧]
ଅମଲା ଶଙ୍କର ଫିଲ୍ମ କଳ୍ପନା (୧୯୪୮)ରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ଉଦୟ ଶଙ୍କରଙ୍କଦ୍ୱାରା ରଚନା, ପ୍ରଯୋଜିତ ଏବଂ ନିର୍ଦ୍ଦେଶିତ ହୋଇଥିଲା, ଯିଏକି ଏହି ଚଳଚ୍ଚିତ୍ରରେ ଅଭିନୟ କରିଥିଲେ । ଅମଲା ଉମାଙ୍କ ଚରିତ୍ରରେ ଅଭିନୟ କରିଥିଲେ । ଅମଲା ଶଙ୍କର ୨୦୧୨ କାନ୍ସ ଫିଲ୍ମ ଫେଷ୍ଟିଭାଲରେ ଯୋଗ ଦେଇଥିଲେ ଯେଉଁଠାରେ ଫିଲ୍ମଟି ପ୍ରଦର୍ଶିତ ହୋଇଥିଲା ।
ଆଧାର ସମ୍ପାଦନା
- ↑ Kaura, Ajīta (1976). Directory of Indian Women Today, 1976. India International Publications. p. 45.
- ↑ "Biography of Amala Shankar". Archived from the original on 26 January 2013. Retrieved 16 December 2012.
- ↑ "Panditji never restricted himself to his craft alone". Asian Age. 13 December 2012. Retrieved 16 December 2012.
- ↑ "Sitarist and composer Ravi Shankar has died near his home in southern California". Reuters. 12 December 2012. Archived from the original on 7 March 2016. Retrieved 16 December 2012.
- ↑ Singh, Shiv Sahay (24 July 2020). "Eminent danseuse Amala Shankar passes away at 101 in Kolkata". The Hindu (in Indian English). ISSN 0971-751X. Retrieved 24 July 2020.
- ↑ "On life with a legend". The Hindu. 1 February 2009. Archived from the original on 2 February 2009. Retrieved 16 December 2012.
- ↑ ୭.୦ ୭.୧ "A Romantic Forever:Amala Shankar". Magna Magazines. Archived from the original on 28 January 2013. Retrieved 16 December 2012.
- ↑ Sruti. P.N. Sundaresan. 1999. p. 51. Retrieved 16 December 2012.
- ↑ "Mamata Shankar biography". Mamata Shankar's website. Retrieved 16 December 2012.
- ↑ Ghosh, Dibyendu (December 1983). "Ravishankar". In Ghosh, Dibyendu (ed.). The Great Shankars. Kolkata: Agee Prakashani. p. 55. OCLC 15483971.
- ↑ "Eminent danseuse Amala Shankar passes away at 101 in Kolkata". The Hindu. Retrieved 31 July 2020.