ଅବସାଦରୋଧୀ ବିରତି ସିଣ୍ଡ୍ରୋମ
ଅବସାଦରୋଧୀ ବିରତି ସିଣ୍ଡ୍ରୋମ (ଇଂରାଜୀ ଭାଷାରେ Antidepressant discontinuation syndrome, ଅନ୍ୟ ନାମ antidepressant withdrawal syndrome) ବେମାରୀ ହୁଏ ଯେତେବେଳେ ଅବସାଦରୋଧୀ ବା ଆଣ୍ଟିଡିପ୍ରେସାଣ୍ଟ (antidepressant medication) ଔଷଧ ବନ୍ଦ, କମ୍ ପରିମାଣ ବା ବିରତି (discontinuation) କରାଯାଏ ।[୨] ଏହି ସିଣ୍ଡ୍ରୋମ ହେଲେ ଶର୍ଦ୍ଦି-ଭଳି ଲକ୍ଷଣ (flu-like symptoms), ନିଦ୍ରା ସମସ୍ୟା, ଅଇ, ଶାରୀରିକ ନିୟନ୍ତ୍ରଣ ଅଭାବ, ସ୍ନାୟୁ ଗ୍ରହଣକାରୀ ଶକ୍ତି ଅଭାବ ଓ ଉଦ୍ବେଗ ଇତ୍ୟାଦି ଲକ୍ଷଣ ଦେଖାଯାଏ ।[୨][୩][୪] ସାଧାରଣତଃ ୩ ଦିନ ମଧ୍ୟରେ ଲକ୍ଷଣମାନ ଦେଖାଯାଏ ।[୨][୪] କ୍ୱଚିତ୍ ସାଇକୋସିସ ହେବା ଦେଖାଯାଏ ।[୨]
| ଅବସାଦରୋଧୀ ବିରତି ସିଣ୍ଡ୍ରୋମ(Antidepressant discontinuation syndrome) | |
|---|---|
| Antidepressant withdrawal syndrome[୧] | |
| ବିଭାଗ | ମାନସିକ ରୋଗ ବିଜ୍ଞାନ (Psychiatry) |
| ଲକ୍ଷଣ | ଶର୍ଦ୍ଦି-ଭଳି ଲକ୍ଷଣ (flu-like symptoms), ନିଦ୍ରା ସମସ୍ୟା, ଅଇ, ଶାରୀରିକ ନିୟନ୍ତ୍ରଣ ଅଭାବ, ସ୍ନାୟୁ ଗ୍ରହଣକାରୀ ଶକ୍ତି ଅଭାବ ଓ ଉଦ୍ବେଗ[୨] |
| ଆକ୍ରାନ୍ତ ସମୟ | ୩ ଦିନ ମଧ୍ୟରେ[୨] |
| ଅବଧି | କିଛି ସପ୍ତାହରୁ କିଛି ମାସ [୩][୪] |
| କାରଣ | ଅବସାଦରୋଧୀ ଔଷଧ antidepressant medication ବନ୍ଦ କଲେ ହୁଏ[୨][୩] |
| ରୋଗ ନିର୍ଣ୍ଣୟ ପଦ୍ଧତି | ଲକ୍ଷଣ ଅନୁସାରେ [୨] |
| ସଠିକ ରୋଗ ନିର୍ଣ୍ଣୟ | ଉଦ୍ବେଗ, ମାନିଆ (mania), ଷ୍ଟ୍ରୋକ[୨] |
| ପ୍ରତିକାର | କ୍ରମଶଃ ଔଷଧ ମାତ୍ରା କମ୍ କରିବା [୨] |
| ପୁନଃପୌନିକ | ହଠାତ୍ ଔଷଧ ବନ୍ଦ କଲେ ୨୦-୫୦%(with sudden stopping)[୩][୪] |
ସେରୋଟୋନିନ-ନନ୍ଏପିନେଫ୍ରିନ ରିଅପଟେକ ଇନହିବିଟର (serotonin–norepinephrine reuptake inhibitors/ SNRIs), ମୋନୋଆମିନୋ ଅକ୍ସିଡେଜ ଇନହିବିଟର (monoamine oxidase inhibitors/ MAOIs) ଓ ଟ୍ରାଇସାଇକ୍ଲିକ ଆଣ୍ଟିଡିପ୍ରେସାଣ୍ଟ (tricyclic antidepressants/ TCAs) ସହିତ ଯେ କୌଣସି ଅବସାଦରୋଧୀ ଔଷଧ ସିଲେକ୍ଟିଭ ସେରୋଟୋନିନ ରିଅପଟେକ ଇନହିବିଟର (selective serotonin re-uptake inhibitors|/ SSRIs) ଔଷଧର ବ୍ୟବହାର ରୋଗୀ ବନ୍ଦ କଲେ ଏହି ସିଣ୍ଡ୍ରୋମ ହୁଏ ।[୨][୩] ଏହି ସଙ୍କଟ ଅଧିକ ହୋଇଯାଏ ଯଦି ଦୀର୍ଘକାଳ ଧରି ଔଷଧ ବ୍ୟବହାର କରାଯାଉଥାଏ ଓ ସ୍ୱଳ୍ପ ହାଫ-ଲାଇଫ (half-life) ଥାଏ ।[୨] ଏହାର ଅନ୍ତର୍ନିହିତ କାରଣ ଅପର୍ଯ୍ୟନ୍ତ ଅଜ୍ଞାତ ଅଛି ।[୨] ଲକ୍ଷଣ ଅନୁଧ୍ୟାନ କରି ରୋଗ ନିର୍ଣ୍ଣୟ କରାଯାଇପାରେ । [୨]
ଅବସାଦଗ୍ରସ୍ତ ରୋଗୀ ଔଷଧ ମାତ୍ରା କମେଇବାକୁ 'ଲକ୍ଷଣ ଫେରିଆସିବା ବିପଦ' ଅଛି ଜାଣି ମଧ୍ୟ ଇଚ୍ଛାକଲେ ଧୀରେ ଧୀରେ କମେଇ ବନ୍ଦ କରିପାରିବେ ।[୨][୫][୪] ଏହି ରୋଗ ହେଲେ ପୁନର୍ବାର ଔଷଧ ଦେବା ଆରମ୍ଭ କରାଯାଏ ଓ ପରେ ଧୀରେ ଧୀରେ କମେଇଦିଆଯାଏ ।[୨] ଔଷଧ ବଦଳ କରି ଫ୍ଲୁଓକ୍ସେଟିନ ଭଳି ଦୀର୍ଘକାଳୀନ ପ୍ରଭାବକାରୀ ଔଷଧ ବ୍ୟବହାର କଲାପରେ ଧୀରେ ଧୀରେ ମାତ୍ରା କମେଇ ବନ୍ଦ କରିପାରିବେ ।[୫]
ଅବସାଦରୋଧୀ ଔଷଧ ବ୍ୟବହାର କରୁଥିବା ରୋଗୀ ହଠାତ୍ ଔଷଧ ବନ୍ଦ କରିଦେଲେ ତାଙ୍କ ମଧ୍ୟରୁ ପ୍ରାୟ ୨୦-୨୫% ରୋଗୀଙ୍କର ଏହି ରୋଗ ହୁଏ ।[୨][୩][୪] ସାଧାରଣତଃ ଏହା ଏକ ସାଂଘାତିକ ରୋଗ ନୁହେଁ,[୨] କିନ୍ତୁ ପ୍ରାୟ ଅର୍ଦ୍ଧେକ ସଂଖ୍ୟକ ରୋଗୀ ଏହାକୁ ସାଂଘାତିକ ଭାବରେ ବର୍ଣ୍ଣନା କରନ୍ତି ।[୪] କେତେକ ରୋଗୀଙ୍କୁ ଏତେ ସାଂଘାତିକ ଜଣାଯାଏ ଯେ ସେମାନେ ଆଉଥରେ ଅବସାଦରୋଧୀ ଔଷଧ ନେବା ଆରମ୍ଭ କରିଦିଅନ୍ତି ।[୪]
ଏହା ମଧ୍ୟ ଦେଖନ୍ତୁ ସମ୍ପାଦନା
ଆଧାର ସମ୍ପାଦନା
- ↑ "[112] Antidepressant Withdrawal Syndrome | Therapeutics Initiative". Therapeutics Initiative. 23 July 2018. Retrieved 3 August 2018.
- ↑ ୨.୦୦ ୨.୦୧ ୨.୦୨ ୨.୦୩ ୨.୦୪ ୨.୦୫ ୨.୦୬ ୨.୦୭ ୨.୦୮ ୨.୦୯ ୨.୧୦ ୨.୧୧ ୨.୧୨ ୨.୧୩ ୨.୧୪ ୨.୧୫ ୨.୧୬ ୨.୧୭ Warner, CH; Bobo, W; Warner, C; Reid, S; Rachal, J (1 August 2006). "Antidepressant discontinuation syndrome". American Family Physician. 74 (3): 449–56. PMID 16913164.
- ↑ ୩.୦ ୩.୧ ୩.୨ ୩.୩ ୩.୪ ୩.୫ Gabriel, M; Sharma, V (29 May 2017). "Antidepressant discontinuation syndrome". Canadian Medical Association Journal. 189 (21): E747. doi:10.1503/cmaj.160991. PMC 5449237. PMID 28554948.
- ↑ ୪.୦ ୪.୧ ୪.୨ ୪.୩ ୪.୪ ୪.୫ ୪.୬ ୪.୭ Davies, J; Read, J (4 September 2018). "A systematic review into the incidence, severity and duration of antidepressant withdrawal effects: Are guidelines evidence-based?". Addictive behaviors. doi:10.1016/j.addbeh.2018.08.027. PMID 30292574.
- ↑ ୫.୦ ୫.୧ Wilson, E; Lader, M (December 2015). "A review of the management of antidepressant discontinuation symptoms". Therapeutic Advances in Psychopharmacology. 5 (6): 357–68. doi:10.1177/2045125315612334. PMC 4722507. PMID 26834969.
ବାହ୍ୟ ଲିଙ୍କ ସମ୍ପାଦନା
| ଶ୍ରେଣୀବିଭାଗ |
|
|---|