ସ୍ତନ ଯନ୍ତ୍ରଣା
ସ୍ତନ ଯନ୍ତ୍ରଣା (ଇଂରାଜୀ ଭାଷାରେ Breast pain) ଏକ ଲକ୍ଷଣ ଯାହା ସ୍ତନର (breast) କଷ୍ଟ ବା ବେଆରାମ ଅବସ୍ଥାକୁ (discomfort) ବୁଝାଏ । [୨] ଋତୁସ୍ରାବ ପୂର୍ବରୁ ଦୁଇ ସ୍ତନରେ କଷ୍ଟ ଅନୁଭବ ହୁଏ ଓ ଏହା ସାଂଘାତିକ ନୁହେଁ ।[୧][୩] ଗୋଟିଏ ସ୍ତନର କେବଳ ଗୋଟିଏ ପାଖରେ କଷ୍ଟ ହେଉଥିଲେ ଚିନ୍ତାର କାରଣ ହୁଏ ।[୧] ସ୍ତନରେ କଠିକ ଗୋଟାଳି (mass) ଥିଲେ ବା ସ୍ତନାଗ୍ରରୁ କିଛି ସ୍ରାବ (nipple discharge) ହେଉଥିଲେ ଅଧିକ ଚିନ୍ତାର କାରଣ ହୋଇଥାଏ । [୩]
| ସ୍ତନ ଯନ୍ତ୍ରଣା | |
|---|---|
| Mastodynia, mastalgia, breast tenderness | |
| ବିଭାଗ | ସ୍ତ୍ରୀରୋଗ (Gynecology) |
| କାରଣ | ଋତୁ ଚକ୍ର (Menstrual cycle) related, ଜନ୍ମ ନିରୋଧ ବଟିକା (birth control pills), ହରମୋନ ଥେରାପି (hormone therapy), ମାନସିକ ରୋଗ ଔଷଧ (psychiatric medication), (breast cancer)[୧] |
| ରୋଗ ନିର୍ଣ୍ଣୟ ପଦ୍ଧତି | ସ୍ତନ ପରୀକ୍ଷା (Examination), ମେଡିକାଲ ଇମେଜିଙ୍ଗ (medical imaging)[୧] |
| ସଠିକ ରୋଗ ନିର୍ଣ୍ଣୟ | ପିତ୍ତାସ୍ମରୀ, ଥୋରାସିକ ଆଉଟଲେଟ ସିଣ୍ଡ୍ରୋମ, କଷ୍ଟୋକଣ୍ଡ୍ରାଇଟିସ (costochondritis)[୨] |
| ଔଷଧ | ପାରାସେଟାମୋଲ ବା ଏନଏସଏଆଇଡି (NSAIDs)[୧] |
| ଚିକିତ୍ସା | କର୍କଟ ରୋଗ ନଥିଲେ ଓ ଔଷଧ ଯୋଗୁ ହେଉନଥିଲେ କେବଳ ସାନ୍ତ୍ୱନା ଦିଆଯାଏ । [୨][୧] |
| Prognosis | >୭୫% ବିନା ଚିକିତ୍ସାରେ ଭଲ ହୋଇଯାଆନ୍ତି । [୧] |
| ପୁନଃପୌନିକ | ୭୦% ମହିଳା[୨] |
ଋତୁଚକ୍ର (menstrual cycle), ଜନ୍ମ ନିରୋଧ ବଟିକା (birth control pills), ହରମୋନ ଥେରାପି (hormone therapy), ବା ମାନସିକ ରୋଗର ଔଷଧ (psychiatric medication) ଜନିତ କାରଣମାନଙ୍କ ଯୋଗୁ ଏହି ଲକ୍ଷଣ ବାହାରିପାରେ ।[୧] ବିରାଟ ସ୍ତନ ଥିଲେ, ଋତୁବନ୍ଦ (menopause) ଓ ପ୍ରାକ୍ ଗର୍ଭାବସ୍ଥାରେ ମଧ୍ୟ ଯନ୍ତ୍ରଣା ହୋଇପାରେ ।[୧][୩] ସ୍ତନ କଷ୍ଟ ରୋଗୀଙ୍କ ମଧ୍ୟରୁ ୨% ରୋଗୀଙ୍କର ସ୍ତନ କର୍କଟ ଯୋଗୁ କଷ୍ଟ ହୁଏ ।[୪] ସ୍ତନର ଏକ ନିର୍ଦ୍ଦିଷ୍ଟ ଅଂଶରେ କଷ୍ଟ ହେଉଥିଲେ ସ୍ତନ ପରୀକ୍ଷା (examination) ଓ ମେଡିକାଲ ଇମେଜିଙ୍ଗ (medical imaging) ପରୀକ୍ଷା କରିବା ଆବଶ୍ୟକ ହୁଏ । [୧]
୭୫%ରୁ ଅଧିକ ମହିଳା ବିନା ଚିକିତ୍ସାରେ ଭଲ ହୋଇଯାଆନ୍ତି ।[୧] ଉପଶମ ନହେଲେ ପାରାସେଟାମୋଲ ବା ଏନଏସଏଆଇଡି (NSAIDs) ଔଷଧ ଦିଆଯାଇପାରେ । [୧] ଭଲ ଭାବରେ ଫିଟ କରୁଥିବା ବ୍ରା (bra) ସାହାଯ୍ୟ କରିପାରେ ।[୩] ଅତ୍ୟଧିକ ଯନ୍ତ୍ରଣା ହେଲେ ଟାମୋକ୍ସିଫେନ (tamoxifen) ବା ଡାନାଜୋଲ (danazol) ଦିଆଯାଇପାରେ ।[୧] ପ୍ରାୟ ୭୦% ମହିଳା ଜୀବନରେ କେତେବେଳେ ହେଲେ ଏହି ଯନ୍ତ୍ରଣା ପାଆନ୍ତି ।[୨] ସର୍ବାଧିକ ସାଧାରଣ ଲକ୍ଷଣରୁପେ ସ୍ତନ ଯନ୍ତ୍ରଣା, ସ୍ତନ ଗୋଟାଳି (breast mass) ଓ ସ୍ତନାଗ୍ର ସ୍ରାବ ବିବେଚିତ ହୁଏ । [୧]
ଏହା ମଧ୍ୟ ଦେଖନ୍ତୁ ସମ୍ପାଦନା
ଆଧାର ସମ୍ପାଦନା
- ↑ ୧.୦୦ ୧.୦୧ ୧.୦୨ ୧.୦୩ ୧.୦୪ ୧.୦୫ ୧.୦୬ ୧.୦୭ ୧.୦୮ ୧.୦୯ ୧.୧୦ ୧.୧୧ ୧.୧୨ ୧.୧୩ Salzman, B; Fleegle, S; Tully, AS (15 August 2012). "Common breast problems". American Family Physician. 86 (4): 343–9. PMID 22963023.
- ↑ ୨.୦ ୨.୧ ୨.୨ ୨.୩ ୨.୪ Iddon, J; Dixon, JM (13 December 2013). "Mastalgia". BMJ (Clinical Research Ed.). 347: f3288. doi:10.1136/bmj.f3288. PMID 24336097.
- ↑ ୩.୦ ୩.୧ ୩.୨ ୩.୩ "Breast pain". NHS. 2017-10-17. Retrieved 30 October 2018.
- ↑ Mazza, Danielle (2011). Women's Health in General Practice (in ଇଂରାଜୀ). Elsevier Health Sciences. p. 189. ISBN 978-0729578714.
ବାହ୍ୟ ଲିଙ୍କ ସମ୍ପାଦନା
| ଶ୍ରେଣୀବିଭାଗ | |
|---|---|
| ବାହାର ଉତ୍ସ |