ବର୍ଷା ଅଡାଲଜା
ବର୍ଷା ମହେନ୍ଦ୍ର ଅଡାଲଜା ଜଣେ ଗୁଜରାଟି ଲେଖିକା । ସେ ମୁଖ୍ୟତଃ ନାରୀବାଦ ଉପରେ ଉପନ୍ୟାସ, ନାଟକ ଏବଂ ମଧ୍ୟସ୍ଥାତା ଭିତ୍ତର ରଚନା ଉପରେ ଲେଖା ଲେଖି କରନ୍ତି । ୧୯୯୫ ମସିହାରେ ବର୍ଷାଙ୍କୁ ଗୁଜରାଟି ଭାଷା ପାଇଁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ମିଳିଥିଲା । ତାଙ୍କ ରଚିତ ଉପନ୍ୟାସ ଅନ୍ସାର୍ ପାଇଁ ତାଙ୍କୁ ଏହି ପୁରସ୍କାର ପ୍ରଦାନ କରାଯାଇଥିଲା । ଏତଦ୍ ବ୍ୟତୀତ ସେ ବିଭିନ୍ନ ଡ୍ରାମା, ମଞ୍ଚ ନାଟକ, ଚିତ୍ରନାଟ୍ୟ ଆଦି ରଚନା କରନ୍ତି ଏବଂ ରେଡ଼ିଓ ପାଇଁ ମଧ୍ୟ କିଛି ରଚନା କରିଛନ୍ତି ।[୧]
ବର୍ଷା ଅଡାଲଜା | |
|---|---|
 ୧୯୯୫ରେ ଜାମନଗରଠାରେ ବର୍ଷା | |
| ଜନ୍ମ ଓ ଜନ୍ମସ୍ଥାନ | ୧୦ ଅପ୍ରେଲ ୧୯୪୦ ବମ୍ବେ (ଏବେ ମୁମ୍ବାଇ), ବମ୍ବେ ପ୍ରେସିଡେନ୍ସି, ବ୍ରିଟିଶ ଭାରତ |
| ବୃତ୍ତି | ଔପନ୍ୟାସିକ ନାଟ୍ୟକାର ଆଲୋଚକ |
| ଭାଷା | ଗୁଜରାଟି |
| ଜାତୀୟତା | ଭାରତୀୟ |
| ସାହିତ୍ୟ କୃତି | ଅନ୍ସାର |
| ପୁରସ୍କାର |
|
ପ୍ରାରମ୍ଭିକ ଜୀବନ ସମ୍ପାଦନା
ବର୍ଷା ଅଡାଲଜା ୧୯୪୦ ମସିହାର ଅପ୍ରେଲ ମାସ ୧୦ ତାରିଖରେ ବମ୍ବେ (ଏବେର ମୁମ୍ବାଇ)ଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଗୁଣବନ୍ତରାୟ ଆଚାର୍ଯ୍ୟ, ଯିଏକି ଆଚାର୍ଯ୍ୟ ଗୁଣବନ୍ତ ରାୟ ପୋପୋ ଭାଇ ଭାବରେ ମଧ୍ୟ ପରିଚିତ । ତାଙ୍କ ବାପା ଜଣେ ଗୁଜରାଟି ଔପନ୍ୟାସିକ, ପତ୍ରକାର ତଥା ନିବନ୍ଧକାର । ତାଙ୍କ ପରିବାର ଜାମନଗରର ମୂଳ ବାସିନ୍ଦା । ବର୍ଷା ଅଡାଲଜା ୧୯୬୦ ମସିହାରେ ମୁମ୍ବାଇ ବିଦ୍ୟାଳୟରୁ ଉଭୟ ଗୁଜରାଟି ଏବଂ ସଂସ୍କୃତ ଭାଷାରେ ସ୍ନାତକ ହାସଲ କରିଥିଲେ । ଏହାପରେ ୧୯୬୨ ମସିହାରେ ସେ ସୋସିଓଲୋଜିରେ ସ୍ନାତକୋତ୍ତର କରିଥିଲେ । ପରବର୍ତ୍ତୀ ସମୟରେ ସେ ଡ୍ରାମା ଉପରେ ଅଧ୍ୟୟନ କରିଥିଲେ । ବର୍ଷା ଦିଲ୍ଲୀର ନ୍ୟାସନାଲ୍ ସ୍କୁଲ ଅଫ୍ ଡ୍ରାମାରେ ଏକ ବୃତ୍ତି ମାଧ୍ୟମରେ ଯୋଗ ଦେଇଥିଲେ । ବର୍ଷା ୧୯୬୧ ମସିହାରେ ଆକାଶବାଣୀ ମୁମ୍ବାଇରେ ଯୋଗ ଦେଇଥିଲେ । ସେ ମୁମ୍ବାଇ ଆକାଶବାଣୀରେ ଜଣେ ବକ୍ତା ଭାବରେ କାର୍ଯ୍ୟ କରିଥିଲେ ଏବଂ ୧୯୬୪ ମସିହାଯାଏଁ ସେଠାରେ ସେ କାର୍ଯ୍ୟ କରୁଥିଲେ । ୧୯୬୫ ମସିହାରେ ବର୍ଷାଙ୍କର ବିବାହ ହୋଇଥିଲା । ସେ ଅଡାଲଜାଙ୍କୁ ବିବାହ କରିଥିଲେ । ୧୯୬୬ ମସିହାରୁ ବର୍ଷା ବିଧିବଦ୍ଧା ଭାବରେ ଲେଖିବା ଆରମ୍ଭ କରିଥିଲେ । ତାଙ୍କ ଭଉଣୀ ଇଲା ଆରବ ମେହେଟ୍ ମଧ୍ୟ ଜଣେ ଲେଖିକା ତଥା ଔପନ୍ୟାସିକା ।