ଅଶ୍ୱିନୀ ବ୍ରହ୍ମା

ଅଶ୍ୱିନୀ ବ୍ରହ୍ମା ଜଣେ ଓଡ଼ିଆ ଅଭିନେତା, ଯିଏକି ଓଡ଼ିଆ କଥାଚିତ୍ର, ଦୂରଦର୍ଶନ ଧାରାବାହିକ ଏବଂ ମଞ୍ଚ ନାଟକରେ ଅଭିନୟ କରନ୍ତି । ସେ ପ୍ରଥମେ ବିଭିନ୍ନ ଥିଏଟରରେ ଅଭିନୟ କରିବା ଆରମ୍ଭ କରିଥିଲେ ଏବଂ ପରେ ୧୯୯୮ ମସିହାରେ ଦୂରଦର୍ଶନ ଧାରାବାହିକରେ ଅଭିନୟ କରିବା ଆରମ୍ଭ କରିଥିଲେ । ୨୦୧୩ ମସିହାରେ ସେ ଗଡ଼ବଡ଼ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ଉଭୟ କଥାଚିତ୍ର ଏବଂ ଧାରାବାହିକ ପାଇଁ ସେ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଛନ୍ତି ।

ଅଶ୍ୱିନୀ ବ୍ରହ୍ମା
୨୦୧୪ ରାଜ୍ୟ ଚଳଚ୍ଚିତ୍ର ଉତ୍ସବରେ ଅଶ୍ୱିନୀ
ବୃତ୍ତି	(ଓଡ଼ିଆ) ଅଭିନେତା
ସକ୍ରିୟ ବର୍ଷ	୧୯୯୮ - ଏବେଯାଏଁ
ପୁରସ୍କାର	ରାଜ୍ୟ ଚଳଚ୍ଚିତ୍ର ପୁରସ୍କାର

ପ୍ରାରମ୍ଭିକ ଜୀବନ ଓ ଶିକ୍ଷା

ଅଶ୍ୱିନୀ ବ୍ରହ୍ମା ପୁରୀ ଜିଲ୍ଲାର ରାମଚନ୍ଦ୍ରପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ପରମାନନ୍ଦ ରାଜଗୁରୁ ଜଣେ ମଞ୍ଚ ଅଭିନେତା ଥିଲେ । ତାଙ୍କ ବାପାଙ୍କ ଯେତେବେଲେ ଅନ୍ନପୂର୍ଣ୍ଣା ରଙ୍ଗମଞ୍ଚରେ ଅଭିନୟ କରୁଥିଲେ, ସେତେବେଳେ ସେ ନାଟକ ଦେଖିବାକୁ ଯାଉଥିଲେ ଏବଂ ଧୀରେ ଧୀରେ ଅଭିନୟ ପ୍ରତି ଆକର୍ଷିତ ହୋଇଥିଲେ ।

ଅଭିନୟ ଜୀବନ

ଅଶ୍ୱିନୀ ପ୍ରଥମେ ଥିଏଟରରେ ଅଭିନୟ କରିବା ଆରମ୍ଭ କରିଥିଲେ । ସେ ପ୍ରଥମେ ଶତାବ୍ଦୀର କଳାକାରରେ କାମ କରିବା ଆରମ୍ଭ କରିଥିଲେ । ସେ ଧୀର ମଲ୍ଲିକଙ୍କର ଏକ ନାଟକରେ ତାଙ୍କୁ ମିଳିଥିଲା ତାଙ୍କର ପ୍ରଥମ ମଞ୍ଚ ନାଟକ । ସେ ରବୀନ୍ଦ୍ର ମଣ୍ଡପରେ ଅନୁଷ୍ଠିତ କିଛି ନାଟକରେ ମଧ୍ୟ ଅଭିନୟ କରିଛନ୍ତି ।

୧୯୯୮ ମସିହାରେ ଅଶ୍ୱିନୀ ଦୂରଦର୍ଶନ ଧାରାବାହିକ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଧାରାବାହିକ ଥିଲା ମୁଁ ଭଲପାଏ, ଯାହାର ନିର୍ଦ୍ଦେଶନା ଦେଇଥିଲେ ହରିଶ ମହାନ୍ତି । ଏହାପରେ ସେ ପାଖାପାଖି ୨୦ଟିରୁ ଅଧିକ ଧାରାବାହିକରେ ଅଭିନୟ କରିଛନ୍ତି ।

୨୦୧୩ ମସିହାରେ ଅଶ୍ୱିନୀ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ କଥାଚିତ୍ର ଥିଲା ଗଡ଼ବଡ଼, ଯେଉଁଥିରେ ସେ ଦୁଇଟି ଭୂମିକାରେ ଅଭିନୟ କରିଥିଲେ । ଏହି ଚଳଚ୍ଚିତ୍ର ପାଇଁ ତାଙ୍କୁ ରାଜ୍ୟ ଚଳଚ୍ଚିତ୍ର ପୁରସ୍କାର ମିଳିଥିଲା । ଏହାପରେ ସେ ସୁପରଷ୍ଟାରରେ ଖଳନାୟକ ଭୂମିକାରେ ଅଭିନୟ କରିଥିଲେ ।

ଅଭିନୀତ କଥାଚିତ୍ର

ବର୍ଷ	କଥାଚିତ୍ର	ଭୂମିକା	ମନ୍ତବ୍ୟ
୨୦୧୩	ଗଡ଼ବଡ଼	ଦୀପକ/ଦୀପା
	ସୁପରଷ୍ଟାର

ଅଭିନୀତ ଧାରାବାହିକ

ଧାରାବାହିକ	ଚେନାଲ୍	ଭୂମିକା	ମନ୍ତବ୍ୟ
ମୁଁ ଭଲପାଏ			ପ୍ରଥମ ଧାରାବାହିକ
ଏ ଗପ ମଲା ଜହ୍ନର
ପ୍ରତିଘାତ
ସକାଳର ଅପେକ୍ଷାରେ
ସଞ୍ଜ ସଳିତା
ସଂସ୍କାର	ଇ ଟିଭି ଓଡ଼ିଆ
ଶାମୁକା
ସିନ୍ଦୂର
ତୁଳସୀ	ଇ ଟିଭି ଓଡ଼ିଆ	ବିଭୁ
ଉଆଁସୀ କନ୍ୟା	ତରଙ୍ଗ ଟିଭି
ସବୁ ଠିକ୍ ଠାକ୍	ଇ ଟିଭି ଓଡ଼ିଆ	ଡାକ୍ତର ବାବୁ
ତୋ ଅଗଣାର ତୁଳସୀ ମୁଁ	ସାର୍ଥକ ଟିଭି	ବିଶୁ
ମାନିନୀ	ସାର୍ଥକ ଟିଭି	ଅର୍ଜୁନ	୨୭ ତମ ରାଜ୍ୟ ଚଳଚ୍ଚିତ୍ର ପୁରସ୍କାର
ତାରା ତାରିଣୀ	ତରଙ୍ଗ ଟିଭି

ପୁରସ୍କାର

• ୨୦୧୪: ରାଜ୍ୟ ଚଳଚ୍ଚିତ୍ର ପୁରସ୍କାର - ଶ୍ରେଷ୍ଠ ନବାଗତ (ଗଡ଼ବଡ଼)
• ୨୦୧୫: ରାଜ୍ୟ ଚଳଚ୍ଚିତ୍ର ପୁରସ୍କାର - ଶ୍ରେଷ୍ଠ ଧାରାବାହିକ ଅଭିନେତା (ମାନିନୀ)

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଅଶ୍ୱିନୀ ବ୍ରହ୍ମା